უკრაინის გენერალურმა პროკურატურამ ევრომაიდნის მომიტინგეების მკვლელობის საქმეზე ქვეყნის ყოფილ პრეზიდენტს, ვიქტორ იანუკოვიჩს ბრალი წაუყენა. ამის შესახებ ინფორმაციას გენპროკურატურა ავრცელებს.

იანუკოვიჩის გარდა, აღნიშნულ საქმეზე ბრალდებულები არიან სხვა ყოფილი მაღალჩინოსებიც, მათ შორის, შინაგან საქმეთა და თავდაცვის ყოფილი მინისტრები, უსაფრთხოების სამსახურის (SBU) ყოფილი ხელმძღვანელი, "ბერკუტის" სპეცდანიშნულების რაზმის ყოფილი მეთაური და ა.შ.

"დადგინდა, რომ მათ 2014 წლის 18-20 თებერვალს გასცეს ბრძანება და მიიღეს შესაბამისი გადაწყვეტილებები სათანადო საფუძვლისა და მოქმედი კანონმდებლობის დარღვევით, ძალისმიერი წინააღმდეგობისა და დარბევის მიზნით, სპეციალური საშუალებების, სამხედრო ტექნიკისა და ცეცხლსასროლი იარაღის გამოყენებასთან დაკავშირებით, დედაქალაქის ცენტრში აქციის მონაწილეების წინააღმდეგ, საპროტესტო აქციების შეწყვეტის მიზნით.

ოფიციალურმა პირებმა მაიდანზე თავდასხმა მოაწყვეს "ანტიტერორისტული ოპერაციის" საფარქვეშ და 20 თებერვალს, დილით მომიტინგეების ლიკვიდაციის ბრძანება გასცეს. ეს გაკეთდა უფლებამოსილების გადამეტებით, ყოველგვარი სამართლებრივი საფუძვლის გარეშე",- ნათქვამია გენპროკურატურის ინფორმაციაში.

საბრალდებო დასკვნა სასამართლოს გადაეგზავნა.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე