ჩრდილოეთ კორეის ლიდერი კიმ ჩენ ინი გეგმავს სექტემბერში რუსეთში ჩამოსვლას, რათა შეხვდეს ვლადიმერ პუტინს იარაღის გაყიდვის შესახებ განსახილველად. ამის შესახებ, The New York Times აშშ-ს  ოფიციალურ პირებზე დაყრდნობით წერს.

NYT-ის თანამოსაუბრეები აცხადებენ, რომ რუსულ მხარეს სურს მიიღოს საარტილერიო ჭურვები და ტანკსაწინააღმდეგო რაკეტები, ხოლო ჩრდილოეთ კორეას სურს თანამგზავრებისა და ბირთვული წყალქვეშა ნავების მოწინავე ტექნოლოგიები.

ჩრდილოეთ კორეის ლიდერი, სავარაუდოდ, ფხენიანიდან ჯავშანმატარებლით გაემგზავრება ვლადივოსტოკში, სადაც ის პუტინს შეხვდება შორეული აღმოსავლეთის ფედერალური უნივერსიტეტის კამპუსში აღმოსავლეთ ეკონომიკური ფორუმის დროს, რომელიც გაიმართება 10-დან 13 სექტემბრამდე.  NYT-ის ცნობით, კიმ ჩენ ინს მოსკოვში გამგზავრებაც შეუძლია.

„ჩვენ გვაქვს ინფორმაცია, რომ კიმ ჩენ ინი მოუთმენლად ელის ამ დისკუსიების გაგრძელებას, მათ შორის დიპლომატიური ურთიერთქმედების შესახებ რუსეთის ლიდერების დონეზე. ჩვენ მოვუწოდებთ ჩრდილოეთ კორეამ შეწყვიტოს მოლაპარაკებები რუსეთთან იარაღის მიწოდებაზე და შეასრულოს ფხენიანის საჯარო ვალდებულებები, არ მიაწოდოს ან მიყიდოს რუსეთს იარაღი“, - განაცხადა თეთრი სახლის ეროვნული უშიშროების საბჭოს სპიკერმა ედრიენ უოტსონმა, - იტყობინება Bloomberg.

უოტსონმა დაადასტურა, რომ აშშ-ს ხელისუფლებამ იცის კიმ ჩენ ინის რუსეთში ჩასვლის გეგმები ვლადიმერ პუტინთან შესახვედრად.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე