უკრაინის შეიარაღებული ძალები დონეცკის ოლქის ქალაქ სოლედარში მძიმე ბრძოლებს აგრძელებენ, უკან დახევის ნიშნები არ არის. ამის შესახებ CNN-ი იტყობინება, რომლის გადამღები ჯგუფი ქალაქთან ახლოს იმყოფება. 

ჟურნალისტები აღნიშნავენ, რომ ფრონტის ხაზიდან სულ რამდენიმე კილომეტრში უკრაინელი ჯარისკაცები ინარჩუნებენ სიმშვიდეს და დაკავებულნი არიან ჯარების მოვლა-პატრონობისა და ლოგისტიკის მოვალეობებში. 

"ჩვენ დაახლოებით შვიდი კილომეტრის მოშორებით ვართ იმ ადგილიდან, სადაც ეს ბრძოლა მძვინვარებს. თქვენ გესმით არტილერიის ხმა - აფეთქებების უმეტესობა ისმის ქალაქის მხრიდან", - თქვა ამერიკელმა კორესპონდენტმა.

კორესპონდენტებმა ასევე განაცხადეს, რომ ისინი აგრძელებენ იმ უკრაინელ ჯარისკაცთან კავშირს, რომლებიც ამჟამად სოლედარში იმყოფებიან.

უკრაინელი მებრძოლის თქმით, მომდევნო 24 საათი გადამწყვეტი იქნება, რადგან მტერი ცდილობს ქალაქში მდებარე უკრაინული შენაერთების ალყაში მოქცევას. ამავდროულად, ჯარისკაცი ჩიოდა, რომ მტერი აფერხებდა კომუნიკაციებს, რაც ართულებდა სხვადასხვა ქვედანაყოფების მოქმედებების კოორდინაციას.

ავტორი: ექსპრესნიუსი,

სოციალური ქსელები

ბოჭორიშვილი- ევროკავშირში ხშირად ატარებენ შეხვედრებს, იმისთვის რომ საქართველო არ მიიწვიონ

კობახიძემ მოიტყუა, რომ ევროპარლამენტი არ აღიარებს საქართველოს სუვერენიტეტს მთელ ტერიტორიაზე

სტრასბურგის სასამართლომ რუსეთს პასუხისმეგებლობა დააკისრა საქმეზე, რომელიც გიორგი ანწუხელიძესა და სხვა მეომრებს ეხება

"ქართულმა ოცნებამ" ევროსასამართლოში გამოხატვის თავისუფლების საქმეზე დავა წააგო