2023-01-11 10:13:56, 1706 ნახვა
ომი უკრაინაში
ომის დაწყების შემდეგ, უკრაინის პოლიციამ კოლაბორაციონიზმთან დაკავშირებული 2 300 საქმე გახსნა
ომის დაწყებიდან დღემდე, უკრაინის ეროვნულმა პოლიციამ კოლაბორაციონიზმის ფაქტებთან დაკავშირებით 2 300-მდე სისხლის სამართლის საქმე გახსნა. ამის შესახებ ეროვნული პოლიციის პრესმდივანმა, მარიანა რევამ "5 канала"-ს ეთერში ისაუბრა.
პრესმდივნის განცხადებით, პოლიცია ყველა შესაძლო შემთხვევას აფიქსირებს, იძიებს და დამნაშავეებს ავლენს.
„ჩვენ უკვე გვაქვს თითქმის 2 300 სისხლის სამართლის საქმე კოლაბორაციონიზმის ფაქტებზე. კოლაბორაციულ საქმიანობას საკმაოდ ფართო სპექტრი აქვს - დაწყებული მტრის მხარდაჭერით სოციალურ ქსელებში, აგრესიის გამართლებით და დამთავრებული საოკუპაციო ხელისუფლების მსგავსი პოზიციებით", - აცხადებს უკრაინის ეროვნული პოლიციის პრესმდივანი.
ავტორი: ექსპრესნიუსი,
epn.ge (@expressnews.ge)
