თუ ვინმე შეეცდება უკრაინის დამოუკიდებლობის წინააღმდეგ თამაშს, ჩვენი სახელმწიფო მყისიერად და მკაცრად უპასუხებს. - ამის შესახებ, უკრაინის პრეზიდენტმა ვოლოდიმერ ზელენსკიმ უმაღლეს რადაში, ყოველწლიური გზავნილით მიმართვისას განაცხადა.

უკრაინელმა ჯარისკაცებმა კიევიდან განდევნეს დამპყრობლები და ეს იყო პირველი შემობრუნება. უკრაინელმა ჯარისკაცებმა გაათავისუფლეს კუნძული ზმეინი და მას შემდეგ ყველა ოკუპანტმა იცის, რა ერთადერთ პასუხს მოისმენს უკრაინელებისგან მის ნებისმიერ ხელყოფის მცდელობისას. დამპყრობლები გაიქცნენ, თუმცა უპირატესობა ჰქონდათ. მაგრამ ჩვენ ფეხქვეშ გვაქვს ჩვენი მიწის სიძლიერის უპირატესობა.

ჩვენ უნდა შევინარჩუნოთ ჩვენი ერთიანობა, მიუხედავად პირადი ემოციებისა და ინტერესებისა. თუ ვინმე შეეცდება უკრაინის დამოუკიდებლობის წინააღმდეგ თამაშს - პოლიტიკური, ეკონომიკური თუ სულიერი - ჩვენი სახელმწიფო მყისიერად და მკაცრად უპასუხებს. ჩვენ უნდა აღვადგინოთ ტერიტორიული მთლიანობა. მაგრამ ჩვენ ასევე უნდა აღვადგინოთ საზოგადოებრივი მთლიანობა. მილიონობით ჩვენი ხალხი არ უნდა იყოს ლტოლვილი. ჩვენ უნდა უზრუნველვყოთ მათი დაბრუნება. " - განაცხადა ვოლოდიმერ ზელენსკიმ.
უმაღლეს რადაში შეხვედრას მთავრობის წევრები, უკრაინის შეიარაღებული ძალების მთავარსარდალი ვალერი ზალუჟნი, უცხოელი დიპლომატები, ასევე დაღუპული უკრაინელი ჯარისკაცების ოჯახები ესწრებოდნენ.

ავტორი: ექსპრესნიუსი,

სოციალური ქსელები

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან