„მინისტრის საათის“  ფორმატში ეკატერინე ტიკარაძემ სელექტიური კონტრაქტირების მნიშვნელობაზეც ისაუბრა და აღნიშნა, რომ სელექტიური კონტრაქიტრება არის ქმედითი მექანიზმი, რომლის საშუალებით მოხდება სახელმწიფო ბიუჯეტის მეტად გონივრული და ეფექტური მიმართვა იმ მაღალი სიმძლავრის დაწესებულებებზე, რომლებიც ორიენტირებულნი არიან პაციენტებისთვის ხარისხიანი და ხელმისაწვდომი მომსახურების მიწოდებაზე.

„ სელექტიურ კონტრაქტირება გულისხმობს სამედიცინო დაწესებულებების სიმძლავრის, შესაძლებლობების, ხარისხის და სხვა მნიშვნელოვანი კრიტერიუმების მიხედვით შეფასებას . სწორედ აღნიშნული შეფასების მიხედვით, სახელმწიფო იღებს გადაწყვეტილებას დაწესებულებების დაფინანსებასთან დაკავშირებით. სელექტიური კონტრაქიტრება არის ქმედითი მექანიზმი, რომლის საშუალებით მოხდება სახელმწიფო ბიუჯეტის მეტად გონივრული და ეფექტური მიმართვა იმ მაღალი სიმძლავრის დაწესებულებებზე, რომლებიც ორიენტირებულნი არიან პაციენტებისთვის ხარისხიანი და ხელმისაწვდომი მომსახურების მიწოდებაზე.

სელექციის  პირველი ეტაპი უკვე წარმატებით განხორციელდა პირველადი ჯანდაცვის სექტორში. კლინიკების სელექტიურ კონტრაქტირებასთან დაკავშირებით უკვე მიღებულია გადაწყვეტილებები და უახლოეს პერიოდში დაიწყება მისი განხორციელება,“-განაცხადა ეკატერინე ტიკარაძემ.

მინისტრის განცხადებით, სამინისტრო  სელექციის მსგავსი ინსტრუმენტის დანერგვასაც  გეგმავს , რომელიც სამედიცინო სექტორში მოთხოვნა-მიწოდების ბალანსის დაცვასა  და სიჭარბის განტვირთვას მოემსახურება.          

„ვგეგმავთ სელექციის მსგავსი ინსტრუმენტის დანერგვას, რომელიც ემსახურება სამედიცინო სექტორში მოთხოვნა-მიწოდების ბალანსის დაცვას და სიჭარბის განტვირთვას.            ამ მიზნის განხორციელებისთვის, ჩვენ ვგეგმავთ არამხოლოდ არსებული დაწესებულებების სელექციას, არამედ   ახალი დაწესებულებების ამოქმედების საკითხის რეგულირებას. სახელმწიფო უნდა გახდეს განმსაზღვრელი თუ სად, რა მასშტაბის, რა სახის სერვისების მიწოდება არის საჭირო.  პრიორიტეტების განსაზღვრისას ჩვენ ვიხელმძღვანელებთ იმ საერთაშორისო სტანდარტებით, რომელიც კონკრეტულ ტერიტორიაზე მოსახლეობის  რაოდენობის და საჭიროებების პროპორციულად განსაზღვრავს სათანადო სერვისების მოცულობას“,-განაცხადა ეკატერინე ტიკარაძემ.

ავტორი: NS (სტატია დაფინანსებულია),

სოციალური ქსელები

რუსეთის საგარეო: 18 წლის წინ 7-8 აგვისტოს სააკაშვილის რეჟიმი სამხრეთ ოსეთს თავს დაესხა

საგარეო უწყება - ოკუპაციის 18 წლისთავზე, რუსეთი არ ასრულებს ევროკავშირის შუამავლობით დადებულ 2008 წლის 12 აგვისტოს ცეცხლის შეწყვეტის შეთანხმებას

კიევსა და მიმდებარე ტერიტორიაზე რუსული თავდასხმების შედეგად ხუთი ადამიანი დაიღუპა და რვა დაშავდა

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება