დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ქვეყანაში ბოლო დღეების განმავლობაში კორონავირუსის დადებითობისა და ინციდენტობის მაჩვენებლები გაიზარდა.

მისი თქმით, აღნიშნული ზრდა სერიოზული არ არის, თუმცა სიფრთხილე აუცილებელია.

„ბოლო დღეების განმავლობაში უკვე გაჩნდა რისკი იმისა, რომ ყოველდღიურ შემთხვევათა რიცხვი 100 ათას მოსახლეზე ოდნავ იმატებს. ეს არ არის ნახტომისებური მატება და არის ნელი. ასევე, იმატებს დადებითობის მაჩვენებელი და ამავე დროს გაიზარდა ე.წ. გადამდებლობის მაჩვენებელი. აქედან გამომდინარე, უნდა ვიყოთ ძალიან ფრთხილად. მოგეხსენებათ, რომ მარტში საკმაოდ შემსუბუქდა მთელი რიგი რეგულაციები. რა თქმა უნდა, ეს არის შედეგი ამ შემსუბუქების, მაგრამ არ არის სერიოზული ნახტომისებური ზრდა. ეს რომ თავიდან ავიცილოთ, ყველამ უნდა დავიცვათ ის რეკომენდაციები, რომლებზეც ხშირად ვსაუბრობთ. ეს გახლავთ: პირბადე, დისტანცია, ხელების დაბანა, არა დიდი თავშეყრები და ამას დაემატა განსაკუთრებით მნიშვნელოვანი, ვაქცინაცია“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

ეჩმიაძინში სრულიად სომეხთა კათოლიკოს გარეგინ II-ის სასამართლო პროცესი მიმდინარეობს

ქუთაისში „ავტო გალერის“ ახალი მულტიბრენდული სივრცე გაიხსნა

თურქეთი, საუდის არაბეთი და პაკისტანი „აგრესორების“ წინააღმდეგ ერთად იბრძოლებენ: შეთანხმებას ხელი მოეწერა

აშშ-ის დაზვერვა ვარაუდობს, რომ პუტინს შეუძლია უკრაინაში ომის პარალელურად ნატოს წევრ ქვეყანაზე თავდასხმა