დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, „კოვაქს“ პლატფორმამ საქართველოს ამერიკული კომპანიის მიერ წარმოებული „ნოვა ვაქსის“ ვაქცინა შესთავაზა.

მისი თქმით, აღნიშნული ვაქცინა „კოვაქს“ პლატფორმაზე ორი თვის განმავლობაში განთავსდება.

„კოვაქს“ პლატფორმაზე დღეს დაავადებათა კონტროლის ცენტრმა გადარიცხა 575 ათასი დოლარი. მოგეხსნებათ, რომ დაავადებათა კონტროლის ცენტრი შესყიდვებს აწარმოებს გაეროს ბავშვთა ფონდის საშუალებით და დარწმუნებული იყავით, რომ „კოვაქს“ პლატფორმიდან ვაქცინების პირველი პარტია შემოვა ამ თვეში და საქართველოში ვაქცინაცია დიდი ალბათობით, „ასტრაზენეკას“ ვაქცინით დაიწყება. დილას დამიდასტურეს, რომ ფული გადარიცხულია იუნისეფზე, რომელსაც შემოაქვს ვაქცინა. დანარჩენი, რასაც „კოვაქს“ პლატფორმა გამოაცხადებს, არ ვიცი.

ვიცი ის, რომ ჩვენ გუშინ მივიღეთ შემოთავაზება „კოვაქს“ პლატფორმიდან მეორე ძალიან პერსპექტიული ვაქცინის გარდა „ასტრაზენეკასი“, ასევე ახალი ამერიკული „ნოვა ვაქსი“, რომელიც დაახლოებით ორი თვის შემდეგ განთავსდება „კოვაქს“ პლატფორმაზე და გვეკითხებიან, მზად არის თუ არა საქართველო. ეს არის ახალი ინოვაციური ვაქცინა „ნოვა ვაქსი“, რომელსაც საქართველო მიიღებს. გარდა „კოვაქს“ პლატფორმისა, ჩვენ „ნოვა ვაქსთან“ და მის მწარმოებელთან გვაქვს პირდაპირი მოლაპარაკება დამატებითი დოზების მიღებასთან დაკავშირებით“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

ბათუმში ამზადებდნენ ცნობილი ბრენდების ფალსიფიცირებულ ვისკისა და სხვა ალკოჰოლურ სასმელებს

პოლიციამ კომპიუტერული მონაცემების ხელყოფის ბრალდებით ერთი პირი დააკავა, მეორის მიმართ კი დევნა დაიწყო

მიხეილ სააკაშვილი – არ მივატოვე ხალხი განსაცდელში, ფეხზე დავაყენე საქართველო, მთელი დემოკრატიული სამყარო და ქვეყანა გადავარჩინეთ

აშშ-ის საელჩო - აშშ კვლავაც ღრმად შეშფოთებულია რუსეთის მიერ საქართველოს ტერიტორიის განგრძობადი ოკუპაციით