ქვეყანაში არსებული პანდემიიდან გამომდინარე, იუსტიციის სახლში მოქალაქეთა მიღება წინასწარი დაჯავშნის პრინციპით ხორციელდება, რათა დაცული იყოს მომხმარებელთა შორის დისტანცია როგორც ღია, ისე  დახურულ სივრცეში, - ასე ეხმაურება იუსტიციის სახლი შენობის წინამდებარე ტერიტორიაზე გამართულ აქციას.

უწყების განმარტებით, იუსტიციის სახლი არ არის ორგანიზაცია, რომელიც გადაწყვეტილებას  იღებს რაგბის კავშირის პრეზიდენტად კანდიდატის რეგისტრაციაზე, ეს საჯარო რეესტრის ეროვნული სააგენტოს კომპეტენციაა, რომელმაც აღნიშნულ საკითხთან დაკავშირებით უკვე არაერთგზის გააკეთა მკაფიო განმარტება.

„ქვეყანაში არსებული პანდემიიდან გამომდინარე, იუსტიციის სახლში მოქალაქეთა მიღება წინასწარი დაჯავშნის პრინციპით ხორციელდება, რათა დაცული იყოს მომხმარებელთა შორის დისტანცია როგორც ღია, ისე  დახურულ სივრცეში. მიუხედავად ამისა,  იუსტიციის სახლის წინამდებარე ტერიტორიაზე შეკრებილი არიან რაგბის  ფედერაციის პრეზიდენტობის კანდიდატის მხარდაჭერები, რომლებიც არ იცავენ დისტანციას და, რიგ შემთხვევებში, ან საერთოდ არ უკეთიათ, ან  არასწორად უკეთიათ პირბადე. იმის გამო, რომ დაცული იყოს მომხმარებელთა ჯანმრთელობის უსაფრთხოება იუსტიციის სახლი იძულებულია, მომხმარებელი ალტერნატიული, უკანა გასასვლელით გაიყვანოს მომსახურების სივრციდან.

გვსურს განვმარტოთ, რომ იუსტიციის სახლი არ არის ორგანიზაცია, რომელიც გადაწყვეტილებას  იღებს რაგბის კავშირის პრეზიდენტად  კანდიდატის რეგისტრაციაზე, ეს საჯარო რეესტრის ეროვნული სააგენტოს კომპეტენციაა, რომელმაც აღნიშნულ საკითხთან დაკავშირებით უკვე არაერთგზის გააკეთა მკაფიო განმარტება. ამასთან, საჯარო რეესტრის ეროვნული სააგენტოს ოფისი იუსტიციის სახლის  შენობაში  არ მდებარეობს. ამგვარად, აქციის მონაწილეთა იუსტიციის სახლის წინ ყოფნა  და სერვისის გაცემისას მოქალაქეებისათვის დისკომფორტის შექმნა უსაფუძვლოა“, - აღნიშნულია იუსტიციის სახლის განცხადებაში.

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს