საქართველოს ნოტარიუსთა პალატა ერთ-ერთი კომპანიის განცხადებას ეხმიანება, სადაც ეს კომპანია მომხმარებელს სანოტარო მოქმედებებზე 20%-იან ფასდაკლებას სთავაზობს.

საქართველოს ნოტარიუსთა პალატა გაცნობებთ, რომ სანოტარო სერვისების მიღება მოქალაქეებს შეუძლიათ მხოლოდ  სანოტარო ბიუროებში და სანოტარო ბიუროების გარდა, სხვაგან არსად არ არის შესაძლებელი სანოტარო მომსახურების მიღება.

სანოტარო მოქმედებათა შესრულებისათვის საზღაურები, გადახდის წესი და მომსახურების ვადები განსაზღვრულია საქართველოს მთავრობის 507-ე დადგენილებით. იხ. ბმული https://www.notary.ge/res/docs/sakanonmdeblo/axali_aktebi/matsne.pdf

მოქალაქეები სანოტარო მომსახურებისთვის თანხას იხდიან  მხოლოდ ამ დადგენილების შესაბამისად, და ცალკეული კომპანიებისა თუ ორგანიზაციების მიერ სანოტარო სერვისებზე ფასდაკლების შეთავაზება წარმოადგენს არაკეთილსინდისიერ ქმედებას, რაც აზიანებს ნოტარიუსების იმიჯს, ახდენს არასწორი ინფორმაციის ტირაჟირებას სანოტარო  საქმიანობის საზღაურის შესახებ  და წარმოადგენს მომხმარებლის  შეცდომაში შეყვანის მცდელობას.

საქართველოს ნოტარიუსთა პალატა მოქალაქეებს მოუწოდებს, სანოტარო საქმიანობასთან დაკავშირებული ყველა ინფორმაცია  მიიღონ მხოლოდ ოფიციალური არხებით, როგორებიცაა: ნოტარიუსთა პალატის ცხელი ხაზი (2 206 776) და იურიდიული კონსულტაცია (2 206 777);  ნოტარიუსთა პალატის ვებგვერდი - notary.ge  ნოტარიუსთა პალატის გვერდი სოციალურ ქსელში - https://www.facebook.com/notariustapalata

ავტორი: NS (სტატია დაფინანსებულია),

სოციალური ქსელები

ირაკლი ღარიბაშვილი კლინიკაში იყო გადაყვანილი

რუმინეთის საგარეო უწყება გმობს რუმინული ჯგუფი Morandi ოკუპირებულ სოხუმში გასამართ კონცერტს

პროკურატურა - ნია იმნაძემ მის მეგობრებს ალექსანდრე გაბაშვილს და გიორგი მალანიას უთხრა, თითქოსდა მისი მასწავლებელი, გიგა ავალიანი ზედმეტ ყურადღებას იჩენდა მის მიმართ

გიგა ავალიანის საქმეზე ჯგუფურად ჯანმრთელობის განზრახ მძიმე დაზიანების წაქეზების ფაქტზე ნია იმნაძეს და განსაკუთრებით მძიმე დანაშაულის შეუტყობინებლობის ფაქტზე ანასტასია ბერუაშვილს ბრალდება წარუდგინეს