ეკონომიკისა და მდგრადი განვითარების მინისტრის, ნათია თურნავას განცხადებით, არასასურსათო სექტორიოსთვის რეგულაციების შემსუბუქებამ სერიოზული დარღვევების გარეშე.

მისი თქმით, ამ ეტაპზე ვითარება ნორმალურია, რაც იძლევა იმედს, რომ წინასაახალწლო პერიოდი დიდი პასუხისმგებლობით ჩაივლის.

„გუშინ იცით, რომ მოხდა რეგულაციების შემსუბუქება არასასურსათო ვაჭრობის სექტორისთვის და საკმაოდ მაღალი პასუხისმგებლობა გამოიჩინეს სასურსათო ქსელებმა, მოლებმა და მაღაზიებმა. ძალიან გვიხარია დღეს, როდესაც ვაჯამებთ გუშინდელი დღის სტატისტიკას, სერიოზული და მასიური დარღვევების გარეშე ჩაიარა ამ დღემ. ამისთვის მინდა ძალიან დიდი მადლობა გადავუხადო ჩვენს სავაჭრო ინდუსტრიას. რა თქმა უნდა, ჩვენ ვაგრძელებთ კონტროლს იმაზე, რომ ეს წინასაახალწლო დღეები ზოგადად დატვირთულია, მაღალი მოთხოვნაა, ადამიანებს საჭიროებები დაუგროვდათ და ჩვენ დავინახეთ, რომ მომხმარებლების საკმაოდ დიდი მიწოლა იყო მაღაზიებზე.

აქედან გამომდინარე, ყველას მოვუწოდებ, განსაკუთრებით კი შაბათ-კვირას დაიცვან ყველა აუცილებელი მოთხოვნა მომხმარებლებმა და მაღაზიებმაც გააგრძელონ მკაცრი კონტროლი. ჩვენი მხრიდან უზრუნველყოფილი იქნება ასეთივე მკაცრი მონიტორინგი. მთლიანობაში, ვითარება ნორმალურია და ეს ჩვენ გვახარებს და გვაძლევს იმედს, რომ დიდი პასუხისმგებლობით გავატარებთ ამ წინასაახალწლო პერიოდს, რომელიც გარკვეული გეგმაზომიერი შემსუბუქებით აღინიშნება“, - განაცხადა ნათია თურნავამ.

ავტორი: ექსპრესნიუსი,

სოციალური ქსელები

წლის დასაწყისიდან უკრაინულმა დრონებმა რუსეთის ერთ-ერთ უდიდეს ნავთობგადამამუშავებელ ქარხანას მეშვიდედ შეუტიეს

გენერალმა ზალუჟნიმ თავი ნატოს მხარდამჭერად მოიხსენია, თუმცა ალიანსში ცვლილებების საჭიროებაზე მიუთითა

ნავთობგადამამუშავებელ ქარხანაზე განხორციელებულმა დარტყმებმა რუსეთის ბიუჯეტს 1.2 ტრილიონი რუბლის ზარალი მოუტანა

გიგა ავალიანის საქმეზე ანასტასია ბერუაშვილსაც აკავებენ