2020-09-24 16:20:45, 1499 ნახვა

---

ოკუპირებულმა აფხაზეთმა რუსეთისგან „კორონავირუსის საწინააღმდეგო ვაქცინის“ შესყიდვა მოითხოვა

ოკუპირებულმა აფხაზეთმა რუსეთისგან „კორონავირუსის საწინააღმდეგო ვაქცინის“ შესყიდვა მოითხოვა, - ამის შესახებ დე-ფაქტო ჯანდაცვის მინისტრმა თამაზ ცახნაკიამ განაცხადა.

მისივე განმარტებით, ვაქცინის შესყიდვა მოხდება ოკუპირებული ტერიტორიის ჯანდაცვის სამინისტროს სახსრებით.

„ჩვენ გავაგზავნეთ მოთხოვნა, რადგან ჯერ არ დასრულებულა ვაქცინაზე მუშაობის მესამე ეტაპი და ის ჯერ რუსეთშიც არ გამოიყენება ფართომასშტაბიანად. ამასთან, ჩვენ მივმართეთ თხოვნით, რომ გვქონდეს წვდომა ამ ვაქცინასთან, რომ ჩვენმა მოქალაქეებმა სურვილის შემთხვევაში, შეძლონ ვაქცინაცია. ჩვენ გათვლილი გვაქვს, რომ მივიღებთ 15-20 ათას დოზას. რუსული მხარე განიხილავს ჩვენს მოთხოვნას და როდესაც გადაწყვეტილება იქნება მიღებული, გაგვაგებინებენ“, - განაცხადა მინისტრმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი