2022-03-17 20:48:34, 676 ნახვა
მსოფლიო
ხატია დეკანოიძე - მქონდა კომუნიკაცია ზელენსკის ადმინისტრაციასთან და იგი მზადაა, საქართველოს პარლამენტიდან საზოგადოებას მიმართოს
„პრეზიდენტი ზელენსკი მზადაა, რომ საქართველოს პარლამენტიდან საზოგადოებას მიმართოს“, - ამის შესახებ „ერთიანი ნაციონალური მოძრაობის“ თავჯდომარემ, ხატია დეკანოიძემ განაცხადა.
„ოპოზიციამაც გამოთქვა ეს იდეა და მე მქონდა მნიშვნელოვანი კომუნიკაცია ზელენსკის ადმინისტრაციასთან. ისინი მზად არიან და პრეზიდენტის [ვოლოდიმირ ზელენსკის] სურვილია, ნამდვილად, რომ პარლამენტიდან საქართველოს საზოგადოებას მიმართოს პრეზიდენტმა ზელენსკიმ“, - აღნიშნა ხატია დეკანოიძემ „მთავარი არხის“ ეთერში.
ცნობისთვის, 17 მარტს, პარლამენტის სხდომაზე, პარტია „ლელო“ უკრაინის პრეზიდენტის, ვოლოდიმირ ზელენსკის მიმართვის ინიციატივით გამოვიდა.
ავტორი: ექსპრესნიუსი,
epn.ge (@expressnews.ge)
