ოკუპირებულ გალში 28 წლის ნათია ბახტაძის გაუჩინარების საქმეზე ეჭვმიტანილი დააკავეს,- ამის შესახებ გამოცემა "ეხო კავკაზა" წყაროებზე დაყრდნობით წერს.

გამოცემის ინფორმაციით, დაკავებული გამოძიებასთან არ თანამშრომლობს.

როგორც "ეხო კავკაზა" იტყობინება, მანამდე, არაერთ მედიაში გავრცელდა ინფორმაცია, რომ ბახტაძე ტყეში გარდაცვლილი იპოვეს, თუმცა ახალგაზრდა ქალის დედა იამზე აგუმავა ინფორმაციას არ ადასტურებს.

„ნათია ცოცხალია და ის ბიჭი, ვინც ის გაიტაცა, ციხეშია“,- წერს აგუმავა სოციალურ ქსელში.

მომხდართან დაკავშირებით, დროებით ოკუპირებული აფხაზეთის ე.წ. ოფიციალურ უწყებებს კომენტარი ჯერჯერობით არ გაუკეთებიათ.

ცნობისთვის, ოკუპირებულ გალში მცხოვრები ნათია ბახტაძე 28 ივლისს გაუჩინარდა. 31 ივლისს, მისმა დედამ, იამზე აგუმავამ სოციალურ ქსელში განცხადება გამოაქვეყნა და დახმარება ითხოვა. 

ავტორი: ექსპრესნიუსი,

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები