შრომის კოდექსში შესატან ცვლილებებზე დამოუკიდებელი დეპუტატის, ბექა ნაცვლიშვილის საკანონმდებლო ინიციატივას პარლამენტის იურიდიულ საკითხთა კომიტეტი დღეს განიხილავს.

ბექა ნაცვლიშვილის განცხადებით, მნიშვნელოვანია ყველამ გააცნობიეროს, რომ ცვლილებები რომელიც ზეგანაკვეთური შრომის, ღამის სამუშაოებისა და დასვენების დღეებში გაწეული მუშაობის ანაზღაურებას ეხება აუცილებად გასატარებელია.

„ცვლილება ეხება ზეგანაკვეთური შრომის ანაზღაურებას, რომელიც ჩვეულებრივ სამუშაო დროსთან შედარებით ერთნახევარი ოდენობით უნდა ანაზღაურდეს. ცვლილება ეხება ღამის შრომას და დასაქმებული არასრულწლოვნების შრომას, რომელიც აუცილებლად უნდა დარეგულირდეს.  

კანონში ცვლილების ერთ-ერთი მთავარი ფაქტორი არის, რომ დამსაქმებელს გაუჩნდება სამუშაო საათების წარმოებისა და აღრიცხვის ვალდებულება. როგორც უმრავლესობამ ისე სხვამაც უნდა გაათვითცნობიეროს, რომ ამ ცვლილებების განხორციელება აუცილებელია“, - განაცხადა ბექა ნაცვლიშვილმა.

ცნობისთვის, აღნიშნული ინიციატივა მანამდე ადამიანის უფლებათა დაცვის კომიტეტმა ჩააგდო.

ავტორი: ექსპრესნიუსი,

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას