„განაჩენი შოკისმომგვრელი და გამაოგნებელია, ეს არის ძალიან დიდი ბოროტება და ცინიზმი“, - ასე გამოეხმაურა პარლამენტის დამოუკიდებელი დეპუტატი, ეკა ბესელია, საოკუპაციო რეჟიმის მიერ ვაჟა გაფრინდაშვილისთვის პატიმრობის შეფარდებას.

ბესელიას აქვს კითხვები ხელისუფლებასთან და აინტერესებს, იყო თუ არა გამოყენებული ყველა შესაძლებლობა, რომ მომხდარიყო უკანონოდ დაკავებული ექიმის გათავისუფლება.

„განაჩენი შოკისმომგვრელი და გამაოგნებელია.ეს არის ძალიან დიდი ბოროტება და ცინიზმი. მე მგონია, რომ აქ სიტყვებიც კი ზედმეტია. ეს ყველაფერი მოდის წინააღმდეგობაში საერთაშორისო სტანდარტებთან, ადამიანის უფლებებთან, სამართლიანი სასამართლოს პრინციპთან. მაშინ, როდესაც ახალი წლის წინა დღეებში ოჯახი ელოდებოდა სახლში ვაჟა ექიმს, ჩვენ ვნახეთ საოკუპაციო რეჟიმის ასეთი გამაოგნებელი, სრულიად უსამართლო და უკანონო განაჩენი.

მე მგონია, რომ რაღაც ძალისხმევა ამ ყველაფერს დააკლდა და მაქვს კითხვები ხელისუფლებასთან, იყო თუ არა ყველა ფორმატი და შესაძლებლობა გამოყენებული იმისთვის, რომ მომხდარიყო ვაჟა გაფრინდაშვილის გათავისუფლება“, - განაცხადა ეკა ბესელიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თბილისის ტრამვაის ტენდერში თურქულმა კომპანია EmreRay-მ გაიმარჯვა - პროექტი ₾288 მლნ ჯდება

ყაველაშვილი დოჰაშია, სადაც კატარის სახელმწიფოს ემირს შეხვდება და ყოფილი ემირის გარდაცვალებას მიუსამძიმრებს

შსს: ნარკოდანაშაულისთვის 121 ადამიანი დავაკავეთ, საქართველოს და უცხო ქვეყნის მოქალაქეები

სახელმწიფოს ქონების ქურდობისთვის დაკავებული ლევან გამრეკელი გირაოს სანაცვლოდ გაათავისუფლეს