გლდანის რაიონის გამგეობა ინფრასტრუქტურული პროექტების ფარგლებში, გზის საფარის კაპიტალურ რეაბილიტაციას რამდენიმე მისამართზე ახორციელებს. ამ ეტაპზე, მუხიანში, ბობოხიძისა და ამავე ქუჩის I გასასვლელის რეაბილიტაცია მიმდინარეობს. 

აღნიშნულ ტერიტორიაზე ასფალტის საფარი ამ დრომდე არ არსებობდა, რის გამოც, მოსახლეობას გადაადგილება უჭირდა. სამუშაოების ფარგლებში, ასფალტის საფარი დაახლოებით, 2 587  კვ.მ ფართობზე დაიგება. ასევე, მოეწყობა ბორდიური. 

პროექტის დასრულების შემდეგ, ადგილობრივები გრუნტის გზის ნაცვლად, მოწესრიგებული ინფრასტრუქტურით ისარგებლებენ. 

საგზაო სამუშაოების მიმდინარეობას გლდანის რაიონის გამგებელი ბექა მიქაუტაძე გაეცნო. 

„გლდანის რაიონში საგზაო ინფრასტრუქტურის მოწესრიგება აქტიურად მიმდინარეობს. ამ ეტაპზე, ბობოხიძის ქუჩის რეაბილიტაცია სრულდება, სადაც გზის საფარი კაპიტალურად მოწესრიგდება. მსგავსი ტიპის სამუშაოებს პარალელურად, ტიხონოვისა და მარჯანიშვილის ქუჩებზე, ჯანჯღავას I შესახვევსა და მუხიანი 2-ში, ჟვანიას ქუჩაზე ვახორციელებთ“, - განაცხადა ბექა მიქაუტაძემ. 

სამუშაოებისთვის, რომელსაც ტენდერში გამარჯვებული შპს „L & L“  ახორციელებს, გლდანის რაიონის გამგეობის ბიუჯეტიდან 124 165  ლარია გათვალისწინებული.

(NS)

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს