2019-04-09 13:03:31, 1360 ნახვა
საზოგადოება
პატრიარქმა 9 აპრილს დაღუპულთა ხსოვნას პატივი მიაგო
9 აპრილის მემორიალთან საქართველოს კათოლიკოს-პატრიარქი ილია მეორე მივიდა.
პატრიარქმა დაღუპულთა ხსოვნას პატივი მიაგო და მათი სულების მოსახსენიებელი პანაშვიდი გადაიხადა.
ილია მეორესთან ერთად მემორიალთან საქართველოს პრეზიდენტი სალომე ზურაბიშვილიც იმყოფებოდა.
შეგახსენებთ, რუსთაველის გამზირზე მომხდარი ტრაგედიიდან 30 წელი გავიდა. 1989 წლის 9 აპრილს, დილის ოთხ საათზე, თბილისში, რუსთაველის გამზირზე, მთავრობის სახლის წინ შეკრებილი მშვიდობიან მომიტინგეები, რომლებიც საბჭოთა კავშირიდან გამოსვლასა და საქართველოს დამოუკიდებლობას ითხოვდნენ, საბჭოთა არმიის სამხედრო შენაერთებმა დაარბიეს.
ავტორი: ექსპრესნიუსი,
epn.ge (@expressnews.ge)
