20 ოპოზიციური პარტია საქართველოში საპარლამენტო არჩევნების მთლიანად პროპორციული სისტემით გამართვის თაობაზე საკონსტიტუციო ცვლილებებისთვის მილიონი ხელმოწერის შეგროვების კამპანიას იწყებს.

დღეს პარტიები საბოლოო დეტალებზე შეთანხმებიან, რის შემდეგაც ხელმოწერების  შეგროვების კამპანია საქართველოს მასშტაბით დაიწყება. 

შეხვედრაში მონაწილეობას "ძალა ერთობაშიას" ლიდერი გრიგოლ ვაშაძე,  "დემოკრატიული მოძრაობა ერთიანი საქართველოს“ ლიდერი ნინო ბურჯანაძე, "შენების მოძრაობის" დამფუძნებელი დავით უსუფაშვილი, "ევროპული საქართველოს" ლიდერი გიგი უგულავა იღებენ.

„არ შეიძლება ქვეყანაში არ გვქონდეს ნორმალური კონსტიტუცია, არ შეიძლება არ გვყავდეს ნორმალური პარლამენტი. ამის ქვაკუთხედი არის მოქალაქის ნების გამოხატვა, რომელიც ნორმალური პარლამენტის და ნორმალური პარლამენტარების გარეშე არ ხდება. იმ 35 დეპუტატისგან, რომელსაც სიცოცხლეში არ ჩაურთვია მიკროფონი და თავისი ბიზნესინტერესების ლობირების გარდა, არაფრით არ არის დაკავებული, 99% არის მაჟორიტარი, რომელიც ხელისუფლების მიერ არის დასმული ადგილზე, როგორც ტომის ბელადი“,- განაცხადა გრიგოლ ვაშაძემ. 

ცნობისთვის, „შენების მოძრაობის“ თავმჯდომარემ, დავით უსუფაშვილმა შეხვედრაზე „ქართული ოცნების“ 78 წევრის 2015 წელს გაკეთებული ხელმოწერა მიიტანა, რომლის მიხედვით, დასტურდება, რომ ისინი 2020 წელს არჩევნების ჩატარებას პროპორციული სისტემით ითხოვდნენ. 

"მე აქ ხელცარიელი არ მოვსულვარ, მოვიტანე „ქართული ოცნების“ 78 ლიდერის ხელმოწერა, რომელიც გაკეთებულია ჯერ კიდევ 2015 წელს, რათა 2020 წელს პროპორციული არჩევნები ჩატარებულიყო. იმ მილიონ ხელმოწერას პირველ რიგში ამ ხელმოწერებს დავურთავთ“, - განაცხადა უსუფაშვილმა. 

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს