პირველი ვიცე-პრემიერის, ეკონომიკისა და მდგრადი განვითარების მინისტრის, დიმიტრი ქუმსიშვილის განცხადებით, ექსპერტებმა დაადგინეს, რომ გუდაურში, „საძელეს“ საბაგიროზე ძაბვის ვარდნა დაფიქსირდა, რამაც საბაგიროს გათიშვა გამოიწვია.

როგორც მინისტრმა დღეს გამართულ ბრიფინგზე განაცხადა, დასკვნის თანახმად, მომხდარის მიზეზი ოპერატორის შეცდომა გახდა.

„საბაგიროს გაჩერების შემდეგ, ოპერატორს უნდა ემოქმედა კონკრეტული თანმიმდევრობით და ქმედებათა ერთობლიობის შემდეგ უნდა მოეხდინა აღნიშნული საბაგიროს გადაყვანა დიზელგენერატორზე და შემდგომში იქ არსებული ტურისტების მიყვანა იმ წერტილამდე საიდანაც ისინი ჩამოვიდოდნენ და დაცვლიდნენ საბაგიროს. სამწუხაროდ, დღეს არსებული დასკვნის მიხედვით, ოპერატორმა დაუშვა შეცდომა. ქმედებათა ერთობლიობა, რომელიც მან განახორციელა, არ იყო თანხვედრაში იმ ქმედებებთან, რომელიც არის გაწერილი ინსტრუქციაში. დასკვნის თანახმად, უსაფრთხოების წესები იყო სრულად დაცული, თუმცა ეს იყო ადამიანური შეცდომის ფაქტორი“, - განაცხადა ქუმსიშვილმა.

მისივე თქმით, „ბიურო ვერიტასის“ დასკვნა, გადაეცემა შინაგან საქმეთა სამინისტროს, რომელიც მოკვლევას აგრძელებს.

„შესაბამისად, კანონმდებლობის მიხედვით, შსს დააყენებს იმ პასუხისმგებლობებს, რომელიც უნდა დადგეს. ჩვენი მხრივ ოპერატორი ჩამოშორებულია ამ საქმიანობას“, - განაცხადა პირველმა ვიცე-პრემიერმა.

შეგახსენებთ, 16 მარტს, გუდაურში „საძელეს“ საბაგიროს მწყობრიდან გამოსვლის შედეგად, 11 ადამიანი დაშავდა.

შინაგან საქმეთა სამინისტრომ მომხდარ ფაქტთან დაკავშირებით გამოძიება საქართველოს სსკ-ს 275-ე მუხლით დაიწყო, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე