უკრაინაში საქართველოს ელჩი გელა დუმბაძე რუსული ოკუპაციის და არჩილ ტატუნაშვილის მკვლელობის შესახებ უკრაინის ტექნიკური უნივერსიტეტის სტუდენტების შეკითხვებს სამი საათის განმავლობაში პასუხობდა.

ელჩი დღეს სტუდენტებს შეხვდა და მათ საჯარო ლექცია - "ახალგაზრდა ლიდერების როლი თანამედროვე ცვალებად სამყაროში" წაუკითხა, რომელიც საქართველოს პირველი დემოკრატიული რესპუბლიკის დაარსების 100 წლის იუბილესა და საქართველოსა და უკრაინას შორის დიპლომატიური ურთიერთობების დამყარების 100 წლისთავს მიეძღვნა.

ლექციის შემდეგ ელჩმა სუტდენტების შეკითხვებს უპასუხა. სტუდენტები ძირითადად რუსეთის მიერ განხორციელებული ქმედებებით საქართველოში და ოკუპირებულ ცხინვალში მოკლული არჩილ ტატუნაშვილის საქმით დაინტერესდნენ.

გელა დუმბაძემ სტუდენტებს სახელმწიფოს პოზიცია გააცნო და პარლამენტის მიერ დღეს "რუსეთის ფედერაციის მიერ ოკუპირებულ აფხაზეთსა და ცხინვალის რეგიონში ადამიანის უფლებების უხეში დარღვევისა და "ოთხოზორია-ტატუნაშვილის სიის“ შესახებ“ მიღებული რეზოლუციის შესახებ ისაუბრა.

"საქართველოში მიმდინარე პროცესებთან დაკავშირებით ძალიან დიდი ინტერესი გამოიხატა კიევის ტექნიკურ ინსტიტუტში, ვისაუბრეთ ქვეყნის სატკივარზე, მის წინაშე არსებულ ყველა საჭირბოროტო საკითხზე, მათ შორის დეტალურად მოვყვევით გიგა ოთხოზორიასთან დაკავშირებული ტრაგედია, არჩილ ტატუნაშვილის გადმოსვენების პროცესი, რომელშიც 26 დღის განმავლობაში ჩართული იყო მთელი სახელმწიფო. დღეს აქ ახალგაზრდა თაობა იყო წარმოდგენილი და მათ უნდა იცოდნენ და გაითავისონ ჩვენი ტკივილი", - განაცხადა ელჩმა.

საქართველო-უკრაინის დიპლომატიური ურთიერთობის 100 წლისთავთან დაკავშირებით საელჩოს  წლის ბოლომდე სხვადასხვა ტიპის ღონისძიებები აქვს დაგეგმილი.

ღონისძიების ფარგლებში უახლოეს პერიოდში საარქივო მასალების გამოფენა მოეწყობა.

(NS)

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე