ბაზისბანკსა და საქართველოს სტრატეგიული კვლევებისა და განვითარების ცენტრს (CSRDG) შორის გაფორმებული ურთიერთთანამშრომლობის მემორანდუმის ფარგლებში გამოცხადებულ საგრანტო კონკურსში გამარჯვებული სოციალური საწარმო "შეზღუდული შესაძლებლობის მქონე პირთა დასაქმების კავშირი“, ბაზისბანკისგან როგორც ფინანსურ, ისე ტექნიკურ დახმარებას მიიღებს.

ააიპ "შეზღუდული შესაძლებლობის მქონე პირთა დასაქმების კავშირი" 2002 წელს დაარსდა შშმ პირთა ფეხსაცმლის საწარმოს ბაზაზე და აქტიურად არის ჩართული მეწარმეობის განვითარებისა და შშმ პირთა ეკონომიკური გაძლიერების მიმართულებით. ორგანიზაციის მიერ განხორციელებული პროექტების ფარგლებში გადამზადდა და დასაქმდა არაერთი შშმ პირი, გარემონტდა და საჭირო ინვენტარითა და დანადგარებით აღიჭურვა საწარმო, შეიქმნა ქართული ფეხსაცმლის ახალი ბრენდი MHF (Make Help Fasionable), რომლის მიზანიც ქართულ ბაზარზე შშმ პირთა პროდუქციის დამკვიდრებაა.

ბანკის თანამშრომლები თემატურ და მათ საჭიროებებზე მორგებულ ექსპერტულ მხარდაჭერას გაუწევენ სოციალურ საწარმოს.

პირველ ეტაპზე, ბაზისბანკის მარკეტინგის დეპატრამენტის თანამშრომლებმა, საწარმოს წარმომადგენლებს ჩაუტარეს ტრენინგი გაყიდვებსა და სოციალური მედიის მართვაში, რაც მათ კიდევ უფრო მეტი მომხმარებლის მოზიდვაში, ცნობადობისა და შემოსავლების გაზრდაში დაეხმარება. სამომავლოდ იგეგმება ბანკის ექსპერტების დახმარება ბიზნეს-გეგმების შედგენაში, მონიტორინგსა და საზოგადოებასთან ურთიერთობაში.

ბაზისბანკის, როგორც სოციალური მეწარმეობის მხარდამჭერი ბანკის, ფინანსური და ტექნიკური კონტრიბუციით ხელი შეეწყობა საწარმოს განვითარებას, წარმოების გაფართოებას და შესაბამისად, შშმ პირთა სამუშაო ადგილებით უზრუნველყოფასა და მათ ეკონომიკურ და სოციალურ ინტეგრაციას საზოგადოებაში.

გაიცანით ფეხსაცმლის ახალი ქართული ბრენდი Make Help Fasionable.

ავტორი: R (რეკლამა),

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს