წარმოუდგენელია, მაღალი რანგის სამართალდამცავები არ იყვნენ ჩართულნი, ან არ მფარველობდნენ ამ  უკანონო ქმედებას, - ასე გამოეხმაურა პარტია "პროგრესი და თავისუფლების" ლიდერი, კახა ოქრიაშვილი  BBC-ის ევროპელი პენსიონერების გაძარცვის სქემასთან დაკავშირებით სპეციალურ საგამოძიებო სტატიას, სადაც, თაღლითური სქემის ერთ-ერთ მონაწილედ საქართველოს ყოფილ თავდაცვის მინისტრი დავით კეზერაშვილია დასახელებული.

მისივე თქმით, მოცემული თემის ირგვლივ უნდა ჩატარდეს გამოძიება და დადგინდეს ორი რამ, ვისია ე.წ. ქოლცენტრები და როგორ მოხდა, რომ ეს უკანონო საქმიანობა წლების განმავლობაში საქართველოს ტერიტორიიდან ხორციელდება.

"ვეხმაურები ე.წ. ქოლცენტრებთან დაკავშირებულ საკითხს, რომელიც BBC-ს პლატფორმამ გაავრცელა. ამავე პლატფორმაზე აღწერილია, თუ  რას საქმიანობენ რეალურად ქოლცენტრები და სხვადასხვა მაქინაციებით, როგორც იპარავენ ძირითადად ევროპელი პენსიონერების ანგარიშებიდან დანაზოგებს.

ამ თემაზე უნდა ჩატარდეს გამოძიება და დადგინდეს ორი რამ, რაზეც მეც და საზოგადოებასაც კითხვები გვიჩნდება: 1. ვისია ე.წ. ქოლცენტრები. 2. როგორ მოხდა, რომ ეს უკანონო და სამარცხვინო საქმიანობა წლების განმავლობაში საქართველოს ტერიტორიიდან ხორციელდება?!

 საზოგადოებას ახსოვს, რომ საქართველოში პირველი ქოლცენტრები, მასობრივად, 2018-2019 წლებში გამოჩნდა და როგორც ვიცით, დღემდე ფუნქციონირებს. BBC-ს პლატფორმაზე ჩანს ისიც, რომ მილიარდ დოლარზე მეტი თანხაა გატაცებული. 

ამ ბნელ ისტორიაში ნათელია ერთადერთი რამ - საქართველოს ტერიტორიიდან მიმდინარეობს ევროპელი პენსიონერების ძარცვა! და სად არიან ამ დროს სამართალდამცავები?! 
წარმოუდგენელია, რომ მაღალი რანგის სამართალდამცავები არ იყვნენ ჩართულნი, ან არ მფარველობდნენ ამ  უკანონო ქმედებას. ამიტომ საჭიროა, დაიწყოს გამოძიება და გამოვლინდეს არსებული ხელისუფლების და კონკრეტულად ბატონი ივანიშვილის როლი ე.წ. ქოლცენტრებთან დაკავშირებულ უკანონო საქმიანობაში.

საინტერესოა, ჩვენს პატარა ქვეყანაში, სადაც ყველაფერი კონტროლდება და ყველამ ყველაფერი იცის, როგორ „გამოეპარათ“ ქოლცენტრების არსებობა საქართველოს ტერიტორიაზე", - განაცხადა ოქრიაშვილმა.

ცნობისთვის, BBC-იმ ევროპელი პენსიონერების გაძარცვის სქემასთან დაკავშირებით სპეციალურ საგამოძიებო სტატია გამოაქვეყნა, სადაც თაღლითური სქემის ერთ-ერთ მონაწილედ საქართველოს ყოფილ თავდაცვის მინისტრი დავით კეზერაშვილია დასახელებული.

ავტორი: ექსპრესნიუსი,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს