საქართველოს მთავრობა დასანქცირებულ მოსამართლეებს უჭერს მხარს. ჩვენ მოწმეები ვართ, რომ პარტიასა და სასამართლოს შრის გამყოფი ხაზი ფერმკრთალდება, - ამის შესახებ პარტია "საქართველოსთვის" ლიდერმა, გიორგი გახარიამ განაცხადა.

მისივე თქმით, პარტია "ქართული ოცნება" და სასამართლოში გავლენის მქონე ჯგუფები, არიან კორუფციისა და ბიძინა ივანიშვილის არალეგალური ძალაუფლების წყაროები, რომლებიც მიზანმიმართულად აზიანებენ საქართველოს ევროკავშირში ინტეგრაციის ინტერესებს.

"საქართველოს მთავრობა დასანქცირებულ მოსამართლეებს უჭერს მხარს. ჩვენ მოწმეები ვართ, რომ პარტიასა და სასამართლოს შრის გამყოფი ხაზი ფერმკრთალდება. ორივე მათგანი - პარტია და სასამართლოში გავლენის მქონე ჯგუფები - არიან პოლიტიკური კორუფციისა და ივანიშვილის არალეგალური ძალაუფლების წყაროები, რომლებიც მიზანმიმართულად აზიანებენ საქართველოს ევროკავშირში ინტეგრაციის ინტერესს", - წერს გახარია.

შეგახსენებთ, 5 აპრილს აშშ-ის სახელმწიფო დეპარტამენტმა მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სანქცია ითვალისწინებს აღნიშნული პირებისა და მათი უშუალო ოჯახის წევრების მიმართ აშშ-ში შესვლის აკრძალვას. 

ავტორი: ექსპრესნიუსი,

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს