ვამაყობ, რომ საქართველოში, მთელი ქვეყანა, საჯარო და კერძო სექტორი, ჩვენი მოქალაქეები, გაერთიანდნენ უკრაინელი ხალხის დახმარების მიზნით. „საქართველოს ფოსტამ", როგორც ეროვნულმა ოპერატორმა,  თავის მხრივ, უზრუნველყო ჰუმანიტარული გზავნილების გაგზავნა უკრაინელი ხალხისთვის, ასევე, ფიზიკურ პირებს მისცა საშუალება გამოეხატათ თანადგომა და უსასყიდლოდ გაეგზავნათ ამანათები დაზარალებულებისათვის," - განაცხადა „საქართველოს ფოსტის" გენერალურმა დირექტორმა ლევან ჩიკვაიძემ ევროპის საფოსტო კავშირის „PostEurop" - ის ონლაინ შეხვედრაზე, რომელიც მიზნად ისახავდა უკრაინაში, საომარი ვითარების ფონზე, საფოსტო ოპერატორების მიერ განხორციელებული ჰუმანიტარული მისიების განხილვასა და შემდგომი ქმედებების შემუშავებას. 
 
სხდომას 38 წევრი ქვეყნის ეროვნული ოპერატორის აღმასრულებელი დირექტორი დაესწრო. ევროპის საფოსტო ორგანიზაციამ მოხსენებისთვის მხოლოდ რამდენიმე ქვეყნის ეროვნული საფოსტო ოპერატორის წარმომადგენელი მიიწვია, მათ შორის, იყო საქართველო, ბელგია, ირლანდია, ესტონეთი, პოლონეთი, უნგრეთი, მოლდოვა.
 
ლევან ჩიკვაიძის განცხადებით, "საქართველოს ფოსტას", ბევრი სხვა ქვეყნის საფოსტო ოპერატორების მსგავსად უკრაინაში კონფლიქტის დაწყების დღიდან დღემდე, არ შეუჩერებია ფოსტის ცვლა უკრაინის მიმართულებით. მეტიც, სწორედ საფოსტო ოპერატორები იყვნენ პირველები, რომლებმაც გამოხატეს უპრეცედენტო სოლიდარობა და უზრუნველყვეს ჰუმანიტარული გზავნილების მიწოდება კრიზისულ ზონებში.

„საქართველოს პრემიერ-მინისტრის გადაწყვეტილებით, რეგიონების სახელმწიფო რწმუნებულებისა და მთავრობის რეგიონებთან ურთიერთობის დეპარტამენტის ჩართულობით, მთელი საქართველოს მასშტაბით, უკრაინელი ხალხის სოლიდარობის ნიშნად, 400 ტონა ჰუმანიტარული ტვირთი შეგროვდა და გაიგზავნა.

ასევე, აღსანიშნავია, რომ „საქართველოს ფოსტა" 28 თებერვლიდან დღემდე, ფიზიკური პირებისგან იღებს და უსასყიდლოდ აგზავნის ჰუმანიტარული დანიშნულების ამანათებს უკრაინის მიმართულებით.

ავტორი: R (რეკლამა),

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს