უკვე ერთი ფეხი წაგვიცდა უფსკრულისკენ, სანამ გადაჩეხილა ეს ქვეყანა, დავსხდეთ და დავილაპარაკოთ, - ამის შესახებ „მოქალაქეების" ლიდერმა, ალეკო ელისაშვილმა ჟურნალისტებთან საუბრისას განაცხადა.

მისი თქმით, სამწუხარო ფაქტია ნიკა მელიას დაკავებია და ქვეყანას არ სჭირდება ესკალაციის გაღრმავება, კუნთების თამაში და მაგარი ბიჭობის დამტკიცება.

„ძალიან სამწუხაროა დღეს რაც მოხდა, გუშინ სწორედ ამის შესახებ ვესაუბრებოდით მაშინ ჯერ კიდევ პრემიერ-მინისტრობის კანდიდატს, ღარიბაშვილს და ვეუბნებოდით, რომ ქვეყანას სჭირდება არა ესკალაციის გაღრმავება, არა ორმხრივი კუნთების თამაში და ერთმანეთისთვის მაგარი ბიჭობის დამტკიცება, არამედ კომპრომისი.

დღეს იყო ცეცხლზე ნავთის დასხმა, დღეს იყო ესკალაცია, ძალიან სამწუხარო სურათი, რაც ვნახეთ. დღესაც იგივეს ვიმეორებ რასაც ვამბობდი გუშინ და რასაც ვამბობდი მთელი ეს პერიოდი, მოლაპარაკებებს არ აქვს ალტერნატივა, სანამ მართლა გადაჩეხილა ეს ქვეყანა უფსკრულში და აი უკვე, ერთი ფეხი წაგვიცდა და ერთი ფეხით გადავიწიეთ უფსკრულისკენ, სანამ გადაჩეხილა ეს ქვეყანა უფსკრულისენ, ორივე მხარე უნდა მიხვდეს, რომ გაჯიქება ამ ქვეყანას კარგს არაფერს მოუტანს. ყველა უნდა დავსხდეთ და დავილაპარაკოთ, როგორ გამოვიყვანოთ ქვეყანა კრიზისიდან“, - განაცხადა ალეკო ელისაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„საქართველოს ბანკის“ PLUS ბარათის მფლობელები Alta-ში სპეციალურ შეთავაზებასა - 20%-იან ქეშბექს მიიღებენ

სებ: EU-ის მიერ სანქცირებული 3 სუბიექტი არ წარმოადგენს სებ-ის მიერ რეგულირებულ სუბიექტებს

შსს: კახეთში შვილმა მამა მოკლა, ცხედარი სახლის ეზოში დამარხა - ის დააკავეს

„საქართველოს ბანკის“ ტერმინალი სალარო აპარატის ფუნქციით - 0% საკომისიო საბარათე გადახდებზე მიკრო და მცირე ბიზნესისთვის