„ქართული ოცნების“ წარმომადგენლებმა კეთილგონიერების მაგალითი გახარიასგან უნდა აიღონ, - ამის შესახებ „ნაციონალური მოძრაობის“ წევრმა, თინა ბოკუჩავამ პარტიის ცენტრალურ ოფისში გამართულ ბრიფინგზე განაცხადა.

როგორც მან აღნიშნა, გიორგი გახარია ეწინააღმდეგებოდა „ნაციონალური მოძრაობის“ ოფისის და ოპოზიციის დარბევას, რის გამოც მან თანამდებობა დატოვა.

„მინდა გამოვეხმაურა ირაკლი კობახიძის განცხადებას, რომელიც მან რამდენიმე წუთის წინ გააკეთა, სადაც მან დაადასტურა, რომ გიორგი გახარიას გადადგომის მიზეზი იყო მისი წინააღმდეგობა მომხდარიყო დაუყონებლივ აღსრულება იმ ფსევდო სასამართლო გადაწყვეტილების, რომელიც გამოიტანა ნინო ჩახნაშვილმა. მიზეზი გახარიას გადადგომის იყოს ის, რომ ის ეწინააღმდეგებოდა „ერთიანი ნაციონალური მოძრაობის“ ოფისის დარბევას, ოპოზიციის დარბევას და მეორე გავრილოვის ღამის მოწყობას.

გიორგი გახარია ისტორიაში ჩაიწერება როგორც ივანიშვილის რეჟიმის ჯალათი, რადგან ის მონაწილეობდა 20-21 ივნისის დარბევებში, მაგრამ ნამდვილად მისასალმებელია ის, რომ ამ ადამიანმა ამ ჯერზე მაინც გამოიჩინა კეთილგონიერება და ქვეყნის საუკეთესო ინტერესიდან გამომდინარე შეეწინააღმდეგა მთავარი ოპოზიციური პარტიის ლიდერის, პოლიტიკური მოტივების დაკავების მიზნით „ერთიანი ნაციონალური მოძრაობის“ ოფისის, ოპოზიციისა და მშვიდობიანი მოქალაქეების დარბევას. ამიტომ, ახლა კეთილგონიერების მაგალითი გახარიასგან უნდა აიღონ სხვა „ქართული ოცნების“ წარმომადგენლებმა და დასხდნენ მოლაპარაკებების მაგიდასთან“, - განაცხადა თინა ბოკუჩავამ.

შეგახსენებთ, რომ რამდენიმე საათის წინ ქვეყნის პრემიერ-მინისტრმა, გიორგი გახარიამ თანამდებობა დატოვა. პრემიერის გადადგომიდან რამდენიმე წუთში შინაგან საქმეთა სამინისტრომ „ნაციონალური მოძრაობის“ თავმჯდომარის, ნიკანორ მელიას დაკავებისთვის საჭირო ღონისძიებები დროებით გადადო. 

ავტორი: ექსპრესნიუსი,

სოციალური ქსელები

უკრაინამ სანქტ-პეტერბურგში და ოკუპირებულ სინფიროპოლში Wildberry-ის საწყობები დაბომბა

მშობელი: დიუშენის წამლების შემოტანის ვადა უკვე კრიტიკულ ზღვარს უახლოვდება

სანქტ-პეტერბურგში Wildberries-ის ლოგისტიკურ ცენტრზე უკრაინის იერიშს ძლიერი ხანძარი მოჰყვა

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს