„გაერთიანებული ოპოზიცია - ძალა ერთობაშია“ არჩევნებთან დაკავშირებით შექმნილი დროებითი საგამოძიებო კომისიის მუშაობაში მონაწილეობას არ მიიღებს, - ამის შესახებ ბლოკი „ენმ - გაერთიანებული ოპოზიცია - ძალა ერთობაშიას“ წევრმა, თამარ კორძაიამ ბრიფინგზე განაცხადა.

როგორც მან აღნიშნა, გაერთიანებული ოპოზიცია „ქართულ ოცნებას“ დემოკრატიის ფასების შექმნაში არ დაეხმარება.

„მინდა გამოვეხმაურო არჩევნებთან დაკავშირებით დროებითი საგამოძიებო კომისიის შექმნის საკითხს. პირველ რიგში მინდა გითხრათ, რომ გაერთიანებული ოპოზიცია ამ სიყალბეში მონაწილეობას არ მიიღებს და დემოკრატიის ფასების შექმნაში არ დაეხმარება „ქართულ ოცნებას“. ის, რომ „ქართულმა ოცნებამ“ დაგვინგრია და წაგვართვა ევროპული არჩევანი, რადგან ვერ შეეგუა იმ პერსპექტივას, რომ საქართველოს მოქალაქეების ნების შესაბამისად ჰყოლოდა კოალიციური მთავრობა, ამით მან ერთხელ და სამუდამოდ დაუდასტურა საქართველოს მოქალაქეებს, რომ მზად არის მხოლოდ და მხოლოდ ერთპარტიული პარლამენტის მმართველობისათვის, რაშიც ჩვენ, რა თქმა უნდა, ვერ დავეხმარებით, ვერც ერთ საკითხთან მიმართებაში. თუ „ქართულ ოცნებას“ რამე აინტერესებს, ცენტრალური საარჩევნო კომისიის მიერ უკვე გასწორებული, გადაკეთებული, კანონმდებლობის სრული იგნორირებით მიღებული გადაწყვეტილებები საჯაროდაც კი დევს და შეუძლია იქიდან შეისწავლოს ეს ყველაფერი“, - განაცხადა თამარ კორძაიამ.

შეგახსენებთ, რომ „ქართული ოცნების“ ინიციატივით საკანონმდებლო ორგანოში 2020 წლის საპარლამენტო არჩევნების შემსწავლელი დროებითი საგამოძიებო კომისია შეიქმნა.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს