სამოქალაქო აქტივისტები „ექსპო ჯორჯიასთან“ აქციას მართავენ

2021-01-16 13:06:56, 538 ნახვა

საზოგადოება

სამოქალაქო აქტივისტები „ექსპო ჯორჯიასთან“ აქციას მართავენ.

ისინი პარტიის თავმჯდომარის თანამდებობაზე ირაკლი კობახიძის წარდგენას ეწინააღმდეგებიან.

აქციის მონაწილეები აცხადებენ, რომ „ქართულმა ოცნებამ“ 31 ოქტომბრის საპარლამენტო არჩევნები გააყალბა და მას ლეგიტიმაცია არ გააჩნია.

„აქ არიან შეკრებულები კრიმინალები, ესენი არიან ქურდები, ქართველი ხალხს არჩევანის უფლება მოპარეს. ესენი არიან ხალხის ხმის ქურდები“, - განაცხადეს აქტივისტებმა.

ცოტა ხნის წინ ადგილზე ხმაური იყო, რა დროსაც სამართალდამცველებსა და სამოქალაქო აქტივისტებს შორის შეხლა-შემოხლა მოხდა. სამართალდამცველებმა აქციის მონაწილეებს ბანერის გაშლის საშუალება არ მისცეს.

ცნობისთვის, დღეს „ქართული ოცნება“ პარტიის თავმჯდომარედ ირაკლი კობახიძეს დაამტკიცებს.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან