გია ვოლსკი - რუსეთს აწყობს ისეთი განცხადება, თითქოს შეხვედრაზე საუბარი იყო ქართველ ნაციონალისტებზე

2020-11-28 16:59:41, 552 ნახვა

პოლიტიკა

„ქართული ოცნების“ წევრმა, გია ვოლსკიმ განაცხადა, რომ რუსეთს აწყობს ისეთი განცხადება, თითქოს აბაშიძე-კარასინი შეხვედრაზე საუბარი იყო ქართველ ნაციონალისტებზე.

მისი თქმით, მმართველ გუნდს არაერთხელ უთქვამს, რომ საქართევლოში მსგავსი ჯგუფები არ არსებობენ.

„პეკულაციაა ყველა განცხადება, რასაც ოპოზიციისგან ვისმენთ. რეალობაში ლოგიკურადაც რომ დავუფიქრდეთ, რაში უნდა აწყობდეს ქართულ მხარეს თავის დადანაშაულება ისედაც რთულ ვითარებაში. რაც შეეხება რუსეთს, აწყობს ისეთი განცხადება თითქოს იქ საუბარი იყო ქართველ ნაციონალისტებზე, რომელებიც არ არსებობენ და 20 ივნისის მოვლენები ჩვენ არაერთხელ სიღრმისეულად განვმარტეთ, რაც იყო და რასაც აპირებდა აგრესიული ოპოზიციის ჯგუფი, მაგრამ ეს კარასინთან გასარჩევი თემა არაა“, - განაცხადა ვოლსკიმ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან