2020-08-12 15:41:56, 1105 ნახვა
პოლიტიკა
გიორგი გახარია - არ აქვს მნიშვნელობა საარჩევნო სიაში პირველი ნომერი ვიქნები თუ ბოლო
არ აქვს მნიშვნელობა საარჩევნო სიაში პირველი ნომერი ვიქნები თუ ბოლო, - ამის შესახებ პრემიერ-მინისტრმა გიორგი გახარიამ, ჟურნალისტებთან საუბრისას განაცხადა.
მისივე თქმით, ჯერ არ არის ცნობილი ქართული ოცნების საარჩევნო სიის პირველი ათეული.
„ჯერ პირველი ათეული ცნობილი არ არის, ზოგიერთებს რომ ეჩქარებათ, ჩვენ ჯერ საქმე გვაქვს გასაკეთებელი და მაგასაც მოვასწრებთ. ჩემთვის არანაირი მნიშვნელობა არ აქვს რომელი ნომერი ვიქნები, მერწმუნეთ, რომ ამით არ არის განსაზღვრული ის ძალისხმევა, რომელსაც, რომლითაც მე ვიბრძოლებ ამ გამარჯვებისთვის უახლოესი დღეების განმავლობაში. ამიტომ, საარჩევნო სიაში პირველი ნომერი ვიქნები თუ ბოლო ნომერი, ამას არანაირი მნიშვნელობა არ აქვს“, - განაცხადა პრემიერმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
