საგარეო საქმეთა სამინისტრო საოკუპაციო ხაზის სიახლოვეს მცხოვრებ ბავშვებს უმასპინძლებს

2017-01-14 11:08:26, 1022 ნახვა

საზოგადოება

შიდა ქართლის რეგიონში საოკუპაციო ხაზის გასწვრივ მდებარე სოფლებში მცხოვრები სოციალურად დაუცველი ბავშვები 14 იანვარს საგარეო საქმეთა სამინისტროს ესტუმრებიან.

საგარეო უწყების ინიციატივით, ბავშვებისთვის გასართობი ღონისძიება გაიმართება. ცნობილი ზღაპრის გმირები მათ კიდევ ერთხელ მიულოცავენ ახალი წლის დღესასწაულს და საინტერესო წარმოდგენას შესთავაზებენ.

ღონისძიების დასასრულს, ბავშვებს ნიუ-იორკში საქართველოს გენერალური საკონსულოსა და ქართული დიასპორის წარმომადგენლების მიერ სპეციალურად მათთვის შეგროვებული საჩუქრები გადაეცემათ.

საგარეო საქმეთა მინისტრი მიხეილ ჯანელიძე საოკუპაციო ხაზის სიახლოვეს მცხოვრებ ბავშვებს პირადად უმასპინძლებს.

როგორც ცნობილია საგარეო უწყება საოკუპაციო ხაზთან მცხოვრები ბავშვებისთვის უკვე მეოთხე წელია სისტემატიურად აწყობს სხვადასხვა აქტივობებს და ყოველ წელს მათ სხვადასხვა ღონისძიებებზე მასპინძლობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან