იემენში სამხედრო ბაზაზე განხორციელებულ თავდასხმაზე პასუხისმგებლობა ISIS-მ აიღო

2016-12-19 11:51:59, 2637 ნახვა

მსოფლიო

იემენის ქალაქ ადენში მომხდარ თავდასხმაზე პასუხისმგებლობა ექსტრემისტულმა დაჯგუფებამ "ისლამურმა სახელმწიფომ" აიღო, - ამის შესახებ BBC იუწყება.

მედია საშუალების ინფორმაციით, ქალაქ ადენში, სამხედრო ბაზასთან თვითმკვლელმა ტერორისტმა აიფეთქა თავი, რის შედეგადაც 30 სამხედრო დაიღუპა.

მედიის ცნობით, ჯარისკაცები ხელფასის ასაღებად რიგში იდგნენ, როდესაც თვითმკვლელმა ტერორისტმა “შაჰიდის ქამარი” აამოქმედა.

აღნიშნული სამხედრო ბაზა ისლამისტების სამიზნე ერთხელ უკვე გახდა. ანალოგიური თავდასხმა ერთი კვირის წინაც მოხდა. მაშინ თავდასხმას 50 ჯარისკაცი ემსხვერპლა. მომხდარზე კი პასუხისმგებლობა კვლავ დაჯგუფება ე.წ “ისლამურმა სახელმწიფომ” აიღო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან