თუ  იტყვით, რომ ვლადიმერ პუტინი ომის დამნაშავეა, გაცილებით რთული იქნება შეთანხმების მიღწევა, რათა ომი შეწყდეს,- ამის შესახებ ამერიკის შეერთებული შტატების ყოფილმა პრეზიდენტმა, დონალდ ტრამპმა CNN-თან ინტერვიუში განაცხადა.

ტრამპი, რომელიც 2024 წლის არჩევნებზე „რესპუბლიკელების“ საპრეზიდენტო კანდიდატია, ამბობს, რომ ეს არის საკითხი, რომელიც "მოგვიანებით უნდა განიხილონ".

"ის თუ ომის დამნაშავე იქნება, ხალხი ხელში ჩაიგდებს და სიკვდილით დასჯის. ამ შემთხვევაში, ის უფრო ძლიერად იბრძოლებს, ვიდრე სხვა ვითარებაში“,- აცხადებს ტრამპი, რომელიც ასევე ფიქრობს, რომ რუსეთის ფედერაციის პრეზიდენტი "ჭკვიანი კაცია", მაგრამ შეცდომა დაუშვა.

"მისი შეცდომა ის იყო, რომ შეიჭრა [უკრაინაში]. მე რომ პრეზიდენტი ვიყო, ის არასდროს შეიჭრებოდა,- თქვა ტრამპმა.

როგორც ყოფილმა პრეზიდენტმა CNN-ს უთხრა, რუსეთ-უკრაინაის ომში არ ფიქრობს მოგებულსა და წაგებულზე, არამედ სურს, რომ "ყველას სიკვდილი შეწყდეს".

"არ ვფიქრობ მოგებასა და წაგებაზე. ვფიქრობ, სიტუაციის გამოსწორებაზე. მინდა, რომ ყველას სიკვდილი შეწყდეს. მე ამას გავაკეთებ 24 საათში",- აღნიშნა აშშ-ის ექსპრეზიდენტმა.

ავტორი: ექსპრესნიუსი,

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"