"სავაჭრო ბალანსის წინასწარი მონაცემები უმჯობესდება, რაც ნიშნავს, რომ ამან პოზიტიურად უნდა იმოქმედოს გაცვლითი კურსის მომავალ დინამიკაზე", - ამის შესახებ საქართველოს ეროვნული ბანკის პრეზიდენტმა კობა გვენეტაძემ განაცხადა.

როგორც გვენეტაძემ განმარტა, როდესაც მეორე კვარტლის საგადამხდელო ბალანსი დაიდება და სხვადასხვა ეკონომიკური ინდიკატორი გაუმჯობესებას აჩვენებს, ლარის კურსს გამყარების ტენდენცია ექნება.

"კურსზე მრავალი ფაქტორი მოქმედებს. ამ შემთხვევაში ის არხი, რომელზეც ჩვენ თავიდან ვსაუბრობდით რა თქმა უნდა ძალაშია და ზუსტად მან იმოქმედა და შეასრულა ტავისი როლი. თავიდანვე განვაცხადეთ, რომ საგარეო შოკი საქართველოსთვის გამოიხატა ავიასანქციების და სხვა შესაძლო ფორმალური თუ არაფორმალური სავაჭრო სანქციების შესახებ ინფორმაციის გავრცელებამ, რამაც კურსის გაუფასურების მოლოდინი გააჩინა.

როდესაც მოხდა ამ ინოფმრაიცის გავრცელება ისინი ვისაც უცხოური ვალუტა ჰქონდათ გასაყიდი, უფრო მაღალი კურსის მოლოდინით თავს იკავებდნენ გაყიდვისგან, ხოლო უცხოური ვალუტის მყიდველები მომავალში კურსის გაუფასურების შიშით უფრო აქტიურად იწყებნენ შესყიდვებს, რამაც შექმნა ეს ვითარება. მოლოდინების არხი ივლის-აგვისტოში უკვე ამოქმედებელუ იყო. ის სხვადასხვა ინდიკატორი რომელიც გვაქვს, ეკონომიკის ზრდა, სავაჭრო ბალანსი, თავისი იმპორტის შემცირებული მაჩვენებლით, აჩვენებს, რომ იქნება სავაჭრო ბალანსის გაუმჯობესება. 

სავაჭრო ბალანსის წინასწარი მონაცემები უმჯობესდება, რაც ნიშნავს, რომ ამან პოზიტიურად უნდა იმოქმედოს გაცვლითი კურსის მომავალ დინამიკაზე. ჩვენ ვხედავთ, რომ ლარის კურსის გაუფასურების კვალდაკვალ, მცირდება იმპორტზე მოთხოვნა. ამის შედეგად სავაჭრო ბალანსი უფრო მეტად უმჯობესდება, ვიდრე ეს მანამდე იყო პროგნოზირებული. გარკვეულწილად ეს აბალანსებს ტურიზმის შემოსავლებში იმ დანაკლისს, რომელიც ქვეყანას ექნება. ზოგადად, გაცვლით კურსზე გავლენას ჯამურად სავაჭრო ბალანსი ახდენს და არა მისი ერთი რომელიმე კომპონენტი. რადგანაც ვიცით, რომ ჯამურად სავაჭრო ბალანსის წინასწარი მონაცემები უმჯობესდება, ეს ნიშნავს, რომ ამან პოზიტიურად უნდა იმოქმედოს გაცვლითი კურსის მომავალ დინამიკაზე.

ჩვენ მუდმივად ვაკვირდებით სავალუტო ბაზარს. როდესაც დავინახავთ, რომ ჩვენს ინტერვენციას ექნება პოზიტიური გავლენა კურსის მოკლე და საშუალოვადიან დინამიკაზე, ინტერვენციების ინსტრუმენტს შესაბამისად გამოვიყენებთ. რა თქმა უნდა, მოლოდინები მნიშვნელოვანი ფაქტორია და ის მოკლევადიან პერიოდში ახდენს გავლენას. მაგრამ მაშინ, როდესაც დაიდება მეორე კვარტლის საგადამხდელო ბალანსი და როდესაც უფრო ცხადი იქნება ეკონომიკური მაჩვენებლები, გაუფასურებული კურსი ისევ შემობრუნდება და მას გამყარების ტენდენცია ექნება. ეს არის ზუსტად ის პერიოდი, როდესაც მოლოდინები თამაშობს გარკვეულ როლს, მაგრამ როდესაც სხვადასხვა ინდიკატორი გაუმჯობესებას აჩვენებს, ეს პოზიტიურად იმოქმედებს გაცვლითი კურსის დინამიკაზე", - განაცხადა კობა გვენეტაძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

გასაჯაროებულ უმძიმეს კადრებთან დაკავშირებით, შსს-ს განცხადება დამატებით კითხვებს აჩენს - დემოკრატიის კვლევის ინსტიტუტი

სანქციებია საჭირო - ევროპარლამენტარი პოლიციის მიერ ხალხის ცემაზე

ანა ნაცვლიშვილი პოლიციის მიერ ადამიანების ცემა-წამებაზე შსს-ს კითხვებით მიმართავს

კუპრაძე პოლიციელების ძალადობაზე - დაისაჯონ, გამოაშკარავდეს ყველა დამნაშავე