შინაგან საქმეთა სამინისტროს რეფორმირების ფარგლებში,  გენერალურ ინსპექციის დეპარტამენტში მიმდინარეობს სტრუქტურული და შინაარსობრივი რეფორმები, რათა ის  უფრო ეფექტურ, გამჭვირვალე და მაღალი საზოგადოებრივი ნდობით აღჭურვილ სტრუქტურად ჩამოყალიბდეს.

უწყების ინფორმაციით, გენერალურ ინსპექციაში მიმდინარე რეფორმების ერთ-ერთი მიმართულება საერთაშორისო გამოცდილების შესწავლა და თანამშრომელთა პროფესიული განვითარებაა. ამ მიზნით, გენერალური ინსპექციის ორგანიზებით ჩატარდა სემინარი, რომლის ფარგლებშიც საერთაშორისო ორგანიზაცია - „შეიარაღებული ძალების დემოკრატიული კონტროლის ჟენევის ცენტრის“ ექსპერტებმა, შინაგან საქმეთა სამინისტროს გენერალური ინსპექციის დეპარტამენტის ხელმძღვანელს - ალექსანდრე ხოჯევანიშვილს და ამავე დეპარტამენტის თანამშრომლებს პოლიციის საქმიანობის მონიტორინგის თეორიები და პრინციპები გააცნეს.

სემინარი თავდაცვისა და უსაფრთხოების საკითხებზე სამოქალაქო საბჭოს მხარდაჭერით განხორციელდა. განხილული იქნა საერთაშორისო პრაქტიკა, არსებული რეალობა და გამოწვევები. შეხვედრის დასასრულს, მხარეებმა  მომავალი თანამშრომლობის გეგმები დასახეს.

აღნიშნული შეხვედრა  შეიარაღებული ძალების დემოკრატიული კონტროლის ჟენევის ცენტრთან შინაგან საქმეთა სამინისტროს გენერალური ინსპექციის თანამშრომლობის დასაწყისს წარმოადგენს.

(NS)

ავტორი: ,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს