ბუნდესტაგმა დაამტკიცა გერმანიის 2026 წლის ფედერალური ბიუჯეტი, რომელიც უკრაინისთვის უპრეცედენტო დონის მხარდაჭერას მოიცავს. Spiegel-ის ცნობით, პარლამენტის წევრებმა დაამტკიცეს კანცლერ მერცის მთავრობის 524,5 მილიარდი ევროს ოდენობის ხარჯები, რაც მიმდინარე წლის ბიუჯეტზე 21,5 მილიარდი ევროთი მეტია.

ამ ხარჯების დასაფარად, ბუნდესტაგი გეგმავს დაახლოებით 98 მილიარდი ევროს ოდენობის ვალის მოზიდვას და სპეციალური ფონდებიდან სესხების გამოყენებას, მათ შორის ბუნდესვერის მოდერნიზაციისა და ინფრასტრუქტურის განვითარების პროგრამებისთვის. ხარჯების მესამედზე მეტი შრომისა და სოციალური უზრუნველყოფის მიმართულებით დაიხარჯება, ხოლო თავდაცვის ხარჯები 108 მილიარდ ევროს მიაღწევს - ეს ცივი ომის დასრულების შემდეგ ყველაზე მაღალი მაჩვენებელია.

ბიუჯეტის ცალკე პუნქტში შედის უკრაინისთვის 11,5 მილიარდი ევროს დახმარება - ეს გერმანიის მიერ 2022 წლიდან გამოყოფილი ყველაზე დიდი დახმარების პაკეტია. თანხები განკუთვნილია არტილერიის, დრონების, ჯავშანტექნიკის და სხვა იარაღის შესაძენად. ბიუჯეტის მიღება ადასტურებს, რომ გერმანიის ახალი მთავრობა კვლავ ერთგული რჩება კიევის სტრატეგიული მხარდაჭერისა და ევროპული უსაფრთხოების გაძლიერების მიმართ. 26 ნოემბერს ბერლინმა ასევე გამოაცხადა უკრაინისთვის ზამთრის დახმარების სახით 170 მილიონი ევროს გამოყოფის შესახებ.

ავტორი: ექსპრესნიუსი,

სოციალური ქსელები

The Economist - უკრაინამ სამი წლის განმავლობაში პირველად აიღო ინიციატივა ფრონტის ხაზზე

ზურაბიშვილმა ახალ პატრიარქს მოუწოდა, შეიწყალოს ყველა სინდისის პატიმარი

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა