2024-09-27 16:01:36, 351 ნახვა
პოლიტიკა
კალაძე - ვისაც აქვს სურვილი, ქვეყანაში მეორე ფრონტი გაჩნდეს, ჩემთვის ყველა მტერია
ვისაც აქვს სურვილი, რომ ქვეყანაში გაჩნდეს მეორე ფრონტი, ჩემთვის ყველა მტერია,- ასე უპასუხა დედაქალაქის მერმა, კახა კალაძემ მედიის შეკითხვას, თუ ვინ არის დღეს საქართველოს მტერი.
კალაძის თქმით, რუსეთის მიერ ქვეყნის ნაწილის ოკუპაცია უკვე დადასტურებული ფაქტია.
“დღეს ჩვენი ქვეყნის 20% რუსეთის მიერაა ოკუპირებული. სამწუხაროდ, ეს არის შემდგარი ფაქტი და რეალობა, თუმცა ვინც არ უნდა იყოს, გინდ ამერიკელი, გინდ ევროპელი, გინდ რუსი, გინდ სხვა ქვეყნის წარმომადგენელი, ვინც ეწინააღმდეგება ჩემს ქვეყანაში მშვიდობას, ვისაც აქვს სურვილი, რომ ჩემს ქვეყანაში გაჩნდეს მეორე ფრონტი, დაზიანდეს ჩემი ქვეყნის ეროვნული ინტერესი, ქართველი ხალხი, ჩემთვის ყველა მტერია",- განაცხადა კალაძემ.
ავტორი: ექსპრესნიუსი,
epn.ge (@expressnews.ge)
