რუსეთის პრეზიდენტი ვლადიმერ პუტინი ვიზიტით საუდის არაბეთში ჩავიდა. როგორც რუსული სამთავრობო-პროპაგანდისტული მედია "რია ნოვოსტი" იტყობინება, პუტინი ქვეყნის დედაქალაქ ერ-რიადში პრინც მოჰამედ ბინ სალმან ალ საუდს შეხვდა.

რუსეთის პრეზიდენტმა პრინცს მიწვევისთვის მადლობა გადაუხადა და განაცხადა, რომ საუდის არაბეთსა და რუსეთს შორის მეგობრობას "ხელს ვერაფერი შეუშლის".

კრემლის პრესსპიკერის, დიმიტრი პესკოვის თქმით, შეხვედრა როგორც პირისპირ, ისე გაფართოებულ ფორმატში გაიმართა.

"ზუსტად ვერ ვიტყვი, რა საკითხები განიხილეს, მაგრამ ცხადია, რომ ეს შეეხებოდა ისრაელ-პალესტინის კონფლიქტს და ასევე, საერთაშორისო დღის წესრიგის სხვა მგრძნობიარე საკითხებს",- უთხრა პესკოვმა ჟურნალისტებს მოლაპარაკებების შემდეგ.

მისივე თქმით, რუსეთსა და საუდის არაბეთს შორის ერთობლივ სამშვიდობო ინიციატივებზე ჯერჯერობით საუბარი არ ყოფილა.

შეგახსენებთ, რუსეთის პრეზიდენტი ვლადიმერ პუტინი საუდის არაბეთამდე არაბთა გაერთიანებულ საამიროებში იმყოფებოდა. პუტინმა, ვიზიტის ფარგლებში, დედაქალაქ აბუ-დაბიში ქვეყნის ლიდერთან, მოჰამედ ბინ ზაიდ ალ ნაჰიანთან მოლაპარაკებები გამართა.

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს