„ის ორი საკითხი, რომელზეც კონგრესმენებმა თავის წერილში გააკეთეს აქცენტი ვერ გადაფარავს საქართველოს მიერ მიღწეულ პროგრესს“, - ასე ეხმაურება პარლამენტის თავმჯდომარე არჩილ თალაკვაძე ამერიკელი კონგრესმენების კრიტიკულ განცხადებას ჟურნალისტებთან საუბრისას.

მისი თქმით, ძირითადი ოფიციალური განცხადებები და შეფასებები ჩვენი სტრატეგიული პარტნიორების მხრიდან ასახავს პროგრესს, რომელსაც ქვეყანამ მიაღწია ამ წლების განმავლობაში.

„რა თქმა უნდა, ჩვენთვის სახელმძღვანელო არის ამერიკის შეერთებული შტატების და სახელმწიფო დეპარტამენტის. ასევე, კონგრესის ოფიციალური პოზიციები და ასევე საინტერესოა როგორც ჩვენი მეგობრების, კონგრესმენების ცალკეული შეფასებები. რა თქმა უნდა, ამას განვიხილავთ როგორც ჩვენი მეგობრების მოსაზრებას. ახლა საპარლამენტო დელეგაცია იმყოფება ვაშინგტონში და ჩვენი დელეგაცია უზრუნველყოფს ამ კონკრეტულ საკითხთან დაკავშირებით ამომწურავი ინფორმაციის მიწოდებას. ვინაიდან საქართველოს აქვს მიღწეული ხელშესახები პროგრესი და მხოლოდ იმ ორი საკითხის გამო, რომ პროპორციული არჩევნების თარიღის გადმოწევა ვერ მოხერხდა და პარლამენტმა დაამტკიცა ორით მეტი მოსამართლე იმაზე, რა რჩევაც მისცა ვენეციის კომისიამ, რა თქმა უნდა, არ უნდა მოხდეს მიღწეული პროგრესის გადაფარვა.

როგორც ხედავთ, ძირითადი ოფიციალური განცხადებები და შეფასებები ჩვენი სტრატეგიული პარტნიორების მხრიდან ასახავს პროგრესს, რომელსაც ქვეყანამ მიაღწია ამ წლების განმავლობაში. მათ შორის, ხელშესახები პროგრესია მართლმსაჯულების სისტემაში. ეს ორი საკითხი, რომელზეც კონგრესმენებმა თავის წერილში გააკეთეს აქცენტი ვერ გადაფარავს საქართველოს მიერ მიღწეულ პროგრესს“, - განაცხადა არჩილ თალაკვაძემ.

შეგახსენებთ, რომ ამერიკელმა კონგრესმენებმა, ადამ კინზინგერმა და ჯერალდ კონოლიმ გიორგი გახარიას წერილი გაუგზავნეს, რომელშიც საქართველოში ბოლო დროს განვითარებულ მოვლენებთან დაკავშირებითაა საუბარი. წერილში ამერიკელი კონგრესმენები ქართულ მთავრობას პირობების შეუსრულებლობისა და ძალის გამოყენების გამო აკრიტიკებენ.

ავტორი: ექსპრესნიუსი,

სოციალური ქსელები

პოლიციამ თბილისში ჯგუფურად, ძალადობით ჩადენილი ძარცვის ბრალდებით 5 პირი დააკავა

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post