საპატრულო პოლიციის თანამშრომლებმა დაკარგული 12 წლის გოგონები იპოვეს.

შსს-ს ინფორმაციით, ბათუმში, ხიმშიაშვილის ქუჩაზე, მოქალაქეებმა საპატრულო პოლიციის ეკიპაჟს იმის შესახებ შეატყობინეს, რომ ე.წ „მოცეკვავე შადრევნებთან“ იმყოფებოდნენ 12 წლის გოგონები, რომლებიც ქართულად ვერ საუბრობდნენ, ტიროდნენ და სავარაუდოდ დაკარგულები იყვნენ.

„პატრულ-ინსპექტორები შეხვდნენ მოზარდებს, რომლებმაც მხოლოდ იმის თქმა შეძლეს რომ სომხეთიდან ბათუმში ჯგუფთან ერთად ავტობუსით არიან ჩამოსულები და დაიკარგნენ. საპატრულო პოლიციის თანამშრომლებმა მთელი ქალაქის მასშტაბით საერთაშორისო ნომრებით მოძრავი ავტობუსები გადაამოწმეს, რის შედეგადაც, რამდენიმე წუთში სასტუმრო „რედისონის“ მიმდებარედ აღმოაჩინეს სომხეთის რესპუბლიკიდან შემოსული ავტობუსი, რომელშიც იმყოფებოდნენ ერევნიდან გასტროლებზე ჩამოსული ანსამბლის წევრები.

ანსამბლის ხელმძღვანელობისგან გაირკვა, რომ ისინი ქობულეთიდან ექსკურსიაზე ბათუმში ჩამოვიდნენ, რა დროსაც, ქალაქის დათვალიერებისას ორი გოგონა დაეკარგათ. ანსამბლის წევრები მათ პოვნას საკუთარი ძალებით ცდილობდნენ, თუმცა უშედეგოდ. აღნიშნული ინფორმაციის მიღების და გადამოწმების შემდეგ საპატრულო პოლიციის წარმომადგენლებმა ორივე გოგონა ჯგუფთან მიიყვანეს და ავტობუსამდე მიაცილეს. საქართველოში სტუმრად მყოფი ანსამბლის ხელმძღვანელმა და სომხეთის კულტურის სამინისტროს წარმომადგენელმა ქართველ სამართალდამცველებს დაკარგული მოზარდების პოვნისთვის მადლობა გადაუხადეს“, - აცხადებენ შსს-ში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს