2019-06-07 18:00:03, 2906 ნახვა
მსოფლიო
მიხეილ სააკაშვილმა ვიტალი კლიჩკოს, მისი პარტიის თავმჯდომარის პოსტის დაკავებაზე უარი უთხრა
საქართველოს ყოფილმა პრეზიდენტმა მიხეილ სააკაშვილმა კიევის მერს ვიტალი კლიჩკოს, მისი პარტიის თავმჯდომარის პოსტის დაკავებაზე უარი უთხრა, - ამის შესახებ STRANA.UA იუწყება.
მედია საშუალების ინფორმაციით, შესაბამისი განცხადება თავად კლიჩკომ Facebook-ის საკუთარ გვერდზე გაავრცელა.
"მე ჩემი მხრიდან გადასადგმელი ნაბიჯი გადავდგი, თუმცა რას ვიზამთ. რთულ სიტუაციაში დახმარების ხელი გავუწოდე, მიუხედავად იმისა, რომ ბევრ ჩემ მხარდამჭერს ეს იდეა არ მოსწონდა. სოციალურ ქსელშიც სხვადასხვანაირი კომენტარი იწერება, თუმცა ისინი არ ცვლიან ჩემს დამოკიდებულებას ადამიანების მიმართ. ეს არის ჩემი კომენტარი ამ თემაზე. წერტილი. გზას ვაგრძელებთ", - წერს კლიჩკო.
ცნობისთვის, ვიტალი კლიჩკომ მიხეილ სააკაშვილს თავისი პარტიის თავმჯდომარეობა 5 ივნისს შესთავაზა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
