მაშველებმა მტკვარში რამდენიმე ცხოველის ნეშტს მიაგნეს

2015-06-30 10:57:19, 421 ნახვა

საზოგადოება

მტკვრის მარჯვენა სანაპიროზე დილიდან გაწმენდითი და სამძებრო სამუშაოები მიმდინარეობს.

მაშველებმა რამდენიმე ცხოველის ნეშტს მიაგნეს, თუმცა ამ ეტაპზე უცნობია, რა სახეობის ცხოველებია არიან ისინი.

"ზოგი ცხოველი წყალმა წაიო, სამაშველო ბრიგადა მუშაობს იმისათვის, რომ ამოვიყვანოთ წყლიდან, ვანაწილებთ ტექნიკას იმ ადგილებში, საიდანაც გამოსასუფთავებელია ნარჩენი, შლამი. ამ ეტაპზე იდენტიფიცირება საკმაოდ რთული იქნება. შეიძლება ცხოველი სხვა დროს იყო მკვდარი და დღეს გამოირიყა, ზუსტად ვერ ვიტყვით საიდან არის და რა არის",-განაცხადა თბილისის მერიის კეთილმოწყობის სამსახურის უფროსმა ავთანდილ სუდაძემ.

მტკვრის კალაპოტის დათვალიერების მიზნით, ორთაჭალჰესის წყლის რეზერვი გაუშვეს. აღნიშნულმა მოქმედებებმა მდინარე მტკვრის დონის მცირედით (15-20 სმ-ით) აწევა გამოიწვია ორთაჭალჰესიდან რუსთავი-გარდაბანი-მარნეული-წითელი ხიდის მიმართულებით, რაც დაახლოებით 30 ივნისის დილის 07:00 სთ-მდე გაგრძელდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან