„ნათელია, რომ ნამდვილად დაძაბულ არჩევნებს ვადევნებთ თვალს“, - მის შესახებ საქართველოში ამერიკის შეერთებული შტატების ელჩის მოვალეობის შემსრულებელმა, როს უილსონმა არასამთავრობო ორგანიზაციების – „სამართლიანი არჩევნების“, „მრავალეროვანი საქართველოსა“ და „საერთაშორისო გამჭვირვალობა-საქართველოს“ წარმომადგენლებთან შეხვედრის შემდეგ განაცხადა.

მისივე თქმით, სამოქალაქო საზოგადოება, დემოკრატიის ერთ-ერთი უმნიშვნელოვანესი ნაწილია, რაც საქართველოს ძალიან პოზიტიური მხარეა.

„არ მინდა, ქვეყანაში არსებულ პოლიტიკურ განხეთქილებებში ღრმად შევიდე. ნათელია, რომ ნამდვილად დაძაბულ არჩევნებს ვადევნებთ თვალს, არის მომატებული პოლარიზება საზოგადოებაში და პარალელურად ბევრი მნიშვნელოვანი საკითხი, რაც უნდა გადაიჭრას. ვფიქრობ, არჩევნების შედეგები იქნება მნიშვნელოვანი სურათი, სადაც საზოგადოება საკუთარ არჩევანით სათქმელს იტყვის. მოხარული ვარ, რომ დღეს სამართლიანი არჩევნების ოფისში შესაძლებლობა მქონდა, რამდენიმე არასამთავრობო ორგანიზაციას შევხვედროდი, რომლებიც არჩევნებს დააკვირდებიან. შეხვედრაზე საუბარი შეეხო არჩევნების მნიშვნელობას, რომელიც ქვეყნის დემოკრატიის განვითარებას ეხმარება, ასევე ხელს უწყობს საქართველოს, იყოს ძლიერი და სტაბილური ქვეყანა“, - განაცხადა როს უილსონმა.

ინფორმაციას საზოგადოებრივი მაუწყებელი ავრცელებს.

ავტორი: ,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა