ეროვნული სატყეო სააგენტო ტყის მავნებლებთან ბრძოლის ღონისძიებას ავიაციის გამოყენებით ახორციელებს.

როგორც გარემოსა და ბუნებრივი რესურსების დაცვის სამინისტროში აცხადებენ,   მცხეთა-მთიანეთის და ქვემო ქართლის რეგიონებში ფოთლის მღრღნელი მავნებლები გასულ წელს შეიმჩნეოდა, ხოლო მიმდინარე წლის გაზაფხულზე  გამოკვლევის შედეგად დაზუსტდა მავნებლის გავრცელების მაღალი რისკის მქონე ფართობები. მცხეთა-მთიანეთის რეგიონში 339 ჰექტარი, რომელიც დუშეთისა და მჭადიჯვრის სიახლოვეს მდებარეობს, ხოლო, ქვემო ქართლში 342 ჰექტარი ფოლადაურისა და კაზრეთის სატყეოებში.

უწყების ცნობით, ავიაციით ტყეების დამუშავება მოხდება დილის (გათენებისას, მზის ამოსვლამდე) და საღამოს საათებში და ამ პერიოდისთვის რეკომენდირებულია ფუტკრის ფრენის შეზღუდვა.

„გარემოსა და ბუნებრივი რესურსების დაცვის სამინისტრო  გამაფრთხილებელ განცხადებებს ადგილობრივი მოსახლეობისთვის დამატებით გაავრცელებს, ხოლო შეწამვლის პროცესი  სპეციალსიტების ზედამხედველობით განხორციელდება.

 აღსანიშნავია, რომ შერჩეული პრეპარატი - ლეპიდოციდი სკ-მ წარმოადგენს ბიოლოგიურ ინსექტიციდს, რომელიც ტყის ჯიშებთან ერთად გამოიყენება სასოფლო-სამეურნეო კულტურების (ხეხილი, ვაზი, ბოსტნეული, დეკორატიული მცენარეები და სხვ) დამუშავებისთვისაც და ჯანმრთელობის დაცვის მსოფლიო ორგანიზაციის (WHO) კლასიფიკაციით მიეკუთვნება საშიშროების ყველაზე დაბალ კლასს - არ არის ტოქსიკური ადამიანების, თბილსისხლიანი ცხოველებისათვის, თევზებისათვის, ფუტკრებისათვის და სასარგებლო მწერებისათვის მითითებული ნორმით და წესით გამოყენების შემთხვევაში“, – ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს

ზახაროვა: თბილისმა მტკიცე და გააზრებული არჩევანი გააკეთა

საქართველოში პატიმრების უპრეცედენტო ზრდაა, - დემოკრატიის კვლევის ინსტიტუტი

კანიე უესტის კონცერტთან დაკავშირებით, მუნიციპალური ტრანსპორტი მგზავრებს გახანგრძლივებული დროით მოემსახურება