აშშ საქართველოს უმთავრესი სტრატეგიული პარტნიორია და იმ გამოწვევების ფონზე, რომლის წინაშეც დგას საქართველო, აშშ-ს საკანონმდებლო ორგანოს წარმომადგენლებთან კონსულტაციები საქართველო - ამერიკის ურთიერთობების მომავალი პრესპექტივებისათვის უაღრესად მნიშვნელოვანია, - აღნიშნული განცხადება პრეზიდენტმა გიორგი მარგველაშვილმა აშშ–ის კონგრესმენთა დელეგაციასთან შეხვედრისას გააკეთა, რომელიც სასახლეში შედგა.

შეხვედრისას პრეზიდენტმა მადლობა გადაუხადა კონგრესმენებს იმ მხარდაჭერისათვის, რასაც საქართველო მუდმივად გრძნობს შეერთებული შტატებისაგან და იმ განცხადებებისათვის, რომელიც კეთდება საქართველოს ტერიტორიული მთლიანობის და სუვერენიტეტის მხარდასაჭერად.

შეხვედრაზე საუბარი შეეხო რეგიონში არსებულ ვითარებას და საქართველოს ოკუპირებულ ტერიტორიებზე განვითარებულ მოვლენებს.

საქართველოს პრეზიდენტის საერთაშორისო მდივნის თენგიზ ფხალაძის განცხადებით,  დიდი დრო დაეთმო საქართველოს მხარდაჭერის აქტის ინიციატივის შესახებ საუბარს, რომელმაც კიდევ უფრო ახალ დონეზე უნდა აიყვანოს საქართველო- ამერიკის ურთიერთობები.

"კიდევ ერთხელ, აშშ-ს ორივე პარტიის წარმომადგენლების მხრიდან გამოითქვა პრინციპული დაინტერესება ამ საკითხთან დაკავშირებით და ის, რომ საქართველო - ამერიკის ურთიერთობებში არსებობს ამ თანამშრომლობის კიდევ უფრო გაღრმავების რესურსი",- განაცხადა თენგიზ ფხალაძემ.

ავტორი: ,

სოციალური ქსელები

კობახიძე: ეუთო-ს საპარლამენტო ასამბლეა ჯო უილსონის დონემდე დავიდა, ტრაგიკული მოვლენაა

ესპანეთში ხანძარს 12 ადამიანი ემსხვერპლა, 19-ს კი ეძებენ

უკრაინა აცხადებს, რომ 2026 წლის I ნახევარში რუსული ჯარების ფრონტზე წინსვლა 2-ჯერ შენელდა

ზელენსკის თქმით, ჩინეთმა რუსეთს ბირთვული იარაღის გამოყენებაზე ულტიმატუმი წაუყენა