საპარლამენტო უმრავლესობის ლიდერმა, არჩილ თალაკვაძემ „ნაციონალური მოძრაობის“ წარმომადგენლებს მიმართა და მათი გუნდის წევრ გრიგოლ ვაშაძეს უტიფარი უწოდა.

მისი თქმით, არავითარი ხელშეკრულება არ განიხილება, რომელიც საქართველოს ახალ ვალდებულებებს ანიჭებს და მის პოზიციებს ასუსტებს.

„ჟენევის მოლაპარაკებების ფორმატთან დაკავშირებული საკითხი ინიცირებულია სწორედ თქვენი გუნდის მიერ 2012 წლის იანვარში. შესაბამისად, ხელის ჩვენსკენ გამოშვერა, რომ თითქოს, ჩვენ ისეთი ინიციატივა დავძარით, რაც საქართველოს ინტერესებს ეწინააღმდეგება, არის მიუღებელი და სრულიად უსაფუძვლო. განიხილება, რომ ჩვენ მივიღოთ საერთაშორისო უსაფროების მექანიზმების დაშვება ოკუპირებულ რეგიონებში, განიხილება რომ ჯარების გაყვანა მოხდეს რუსეთის ფედერაციის მხრიდან, განიხილება, რომ ძალის არგამოყენებაზე თავისი ვალდებულება დაადასტუროს რუსეთის ფედერაციამ. ამაზეა საუბარი. არავითარი სხვა ნარატივი და სხვა განცხადება იქ არ განიხილება და არც არავითარი ხელშეკრულება არ განიხილება, რომელიც საქართველოს ახალ ვალდებულებებს ანიჭებს და მის პოზიციებს ასუსტებს. მუშაობა მიდის განცხადებაზე და არალეგიტიმული მხარეების მიერ არავითარი ხელმოწერები არ მოხდება“,- აღნიშნა დეპუტატმა.

თალაკვაძემ გრიგოლ ვაშაძის მიერ, მინისტრის რანგში, 2008 წლის ნოემბრებში რუსეთის ფედერაციისადმი გაგზავნილი წერილი გაიხსენა.

„გრიგოლ ვაშაძის დღევანდელი განცხადება იყო არაკვალიფიციური და სახელმწიფო ინტერესების დამაზიანებელი. ის უტიფარია, რადგან თუკი ვინმე კაპიტულანტურ განცხადებას აკეთებდა და თავდახრილი იდგა რუსეთის ფერედაციის წინაშე, განსაკუთრებით ომის დროს ეს იყო გრიგოლ ვაშაძე. ის რუსეთს ენამოჩლექით საკონცერტო დარბაზების გამოყოფასა და ალაფურშეტების დაფინანსებას ეხვეწებოდა“, - განაცხადა თალაკვაძემ.

ავტორი: ,

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა