საქართველოს შინაგან საქმეთა სამინისტრომ განცხადება გაავრცელა, რომელშიც უარყო ინფორმაცია, რომ ბოლო 24 საათის განმავლობაში რუსეთ-საქართველოს საზღვარზე ზემო ლარსის საბაჟო გამშვები პუნქტი 20 000 რუსეთის მოქალაქემ გადაკვეთა.

შინაგან საქმეთა სამინისტროს ცნობით, ეს ინფორმაცია სიმართლეს არ შეესაბამება და „გარკვეული დაინტერესებული მხარეების მიერ დეზინფორმაციის განზრახ გავრცელებას წარმოადგენს“.

„გვსურს განვმარტოთ, რომ ბოლო 24 საათის მონაცემებით, ლარსის საბაჟო გამშვები პუნქტის გავლით საქართველოს სახელმწიფო საზღვარი სხვადასხვა ქვეყნის 7 880 მოქალაქემ გადაკვეთა.

ასევე, იმავე პერიოდში, ამ საკონტროლო პუნქტის გავლით ქვეყანა სხვადასხვა ქვეყნის 8 406 მოქალაქემ დატოვა.

მოვუწოდებთ ყველა დაინტერესებულ მხარეს, თავი შეიკავონ გადაუმოწმებელი ინფორმაციის გავრცელებისგან, ასევე სხვადასხვა მონაცემების დამახინჯებული ფორმით და არასწორი ინტერპრეტაციებით გავრცელებისგან“, - განაცხადა შინაგან საქმეთა სამინისტრომ.

ადრე, რუსეთის ფედერალურმა საბაჟო სამსახურმა განაცხადა, რომ ზემო ლარსის საბაჟო გამშვები პუნქტის გავლით მგზავრთა გადაზიდვამ რეკორდი მოხსნა. სააგენტოს ცნობით, 18 აგვისტოს, ერთ დღეში, საზღვარი 20 000-ზე მეტმა ადამიანმა გადაკვეთა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს