ჩეჩნეთის ლიდერის რამზან კადიროვის განცხადებით, კრემლის კედელთან დასაფლავებული იოსებ სტალინის ნეშტი საქართველოში უნდა გადაიტანონ, - ამის შესახებ Interfax იუწყება.

როგორც კადიროვმა განმარტა, იოსებ სტალინი ქართველი იყო და თავის სამშობლოში უნდა დაიკრძალოს.

„რაც შეეხება სტალინის ნეშტს, კეთილი ნება უნდა გამოვიჩინოთ და საქართველოს გადავცეთ, რათა სამშობლოში დაასაფლავონ. საქართველო საბჭოთა კავშირის წევრი ქვეყანა იყო, რომელსაც იოსებ სტალინი ხელმძღვანელობდა. ამიტომ, მგონია, რომ ლოგიკური და სამართლიანი იქნება, თუ საქართველოს მიეცემა შესაძლებლობა დაასაფლავოს სტალინი, ხოლო რუსეთის მილიონობით მცხოვრები თავისუფლად ამოისუნთქავს, როდესაც გაიგებს, რომ სტალინის სულმა რუსეთი დატოვა", - აღნიშნა კადიროვმა. 

ცნობისთვის, საბჭოთა კავშირის გენერალისიმუსი 1953 წლის 5 მარტს ინსულტით გარდაიცვალა. 9 მარტს მისი ნეშთი ლენინის გვერდით მავზოლეუმში დაასვენეს. 1961 წლის 31 ოქტომბერს სტალინის ცხედარი მავზოლეუმიდან გამოასვენეს და კრემლის კედელთან დაკრძალეს.

ავტორი: ,

სოციალური ქსელები

კობახიძე ღარიბაშვილზე: პრობლემური განცხადებაა, ჩვენთვის არა, თავისთვის

შსს: დავაკავეთ პირი, რომელსაც FBI ტერორისტული ორგანიზაციების მხარდაჭერისთვის ეძებდა

გამოკითხვა: ტრამპის მოწონების რეიტინგი 33%-მდე დაეცა

მოსკოვზე უკრაინული დრონების ღამის თავდასხმა ბოლო ორი წლის განმავლობაში ყველაზე მასშტაბური იყო