ოკუპირებული ცხინვალის დე-ფაქტო ხელისუფლება ე.წ. გამშვებ პუნქტებს სამი დღით კეტავს

2017-09-16 01:08:40, 1377 ნახვა

რეგიონი

ოკუპირებული ცხინვალის დე-ფაქტო მთავრობის გადაწყვეტილებით, ე.წ გამშვები პუნქტები 3 დღით დაიკეტება, - ამის შესახებ "სპუტნიკ ოსეტია" იუწყება.

მედია საშუალების ინფორმაციით, ე.წ. გამშვები პუნქტების დაკეტვა ოკუპირებულ რეგიონში დე-ფაქტო რესპუბლიკის დღის აღნიშვნასთანაა დაკავშირებული.

"მიმოსვლა 19 სექტემბრის დილით 09:00 სთ-ზე შეწყდება და 22 სექტემბრის დილის 07:00 სთ-ზე "ჩვეულ რეჟიმში" განახლდება", - ნათქვამია ინფორმაციაში.

ცნობისთვის, ოკუპირებული ცხინვალის დე-ფაქტო ხელისუფლება 20 სექტემბერს ე.წ. რესპუბლიკის 27-ე წლისთავს "აღნიშნავს". ოკუპირებული რეგიონში სამხედრო "აღლუმი" და სხვადასხვა სახის ღონისძიებები ჩატარდება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები